Ko Hai ʻa Sīsū?

Naʻe fekauʻi mai ʻe Sihova ʻa Sīsū ki he māmaní. 1 Sione 4:9

Kapau ʻoku tau loto ke fakahōifuaʻi ʻa Sihova, kuo pau ke tau fanongo ki ha tokotaha mahuʻinga ʻe taha. Ki muʻa fuoloa ʻi hono fakatupu ʻo ʻĀtamá, naʻe fakatupu ʻe Sihova ha tokotaha laumālie mālohi ʻi hēvani.

ʻI he faai mai ʻa e taimí, naʻe fekau mai ʻe Sihova ʻa e tokotahá ni ke fanauʻi ʻi Pētelihema ʻe ha tāupoʻou ko hono hingoá ko Mele. Naʻe fakahingoa ʻa e kiʻi tamá ko Sīsū.​—Sione 6:38.

ʻI he tuʻunga ko ha tangata ʻi he māmaní, naʻe tapua haohaoa atu ʻe Sīsū ʻa e ngaahi ʻulungaanga ʻo e ʻOtuá. Naʻá ne anga-lelei, ʻofa, mo fotungofua. Naʻá ne akoʻi taʻemanavahē ki he niʻihi kehé ʻa e moʻoni fekauʻaki mo Sihová.

Naʻe failelei ʻa Sīsū ka naʻe fehiʻanekinaʻi. 1 Pita 2:21-24

Naʻe toe fakamoʻui foki ʻe Sīsū ʻa e kau puké pea fokotuʻu mai ki he moʻuí ha niʻihi naʻe mate.

Naʻe fehiʻa ʻa e kau taki lotú ʻia Sīsū koeʻuhí naʻá ne fakaeʻa ʻenau ngaahi akonaki loí pea mo ʻenau ngaahi founga koví.

Naʻe fakalotoʻi ʻe he kau taki lotú ʻa e kau Lomá ke nau haha ʻa Sīsū pea tāmateʻi ia.