KONGA 10
Ko e Hā ʻa e Ngaahi Tāpuaki ʻOku Fakatatali Mai ki he Faʻahinga ʻOku Fanongo ki he ʻOtuá?
Ko e tokolahi taha ʻo e kau maté ʻe fokotuʻu hake ʻi he māmaní. Ngāue 24:15
Fakaʻuta atu ki he ngaahi tāpuaki te ke maʻu ʻi he kahaʻú kapau te ke fanongo kia Sihova! Te ke maʻu ʻa e moʻui lelei haohaoa; ʻe ʻikai ha taha ʻe puke pe vaivai. ʻE ʻikai ha kakai kovi, pea ʻe malava ke ke falala ki he tokotaha kotoa pē.
ʻE ʻikai ha langa, mamahi, pe ha loʻimata. ʻE ʻikai ha taha ʻe tupu ʻo motuʻa pea mate.
ʻE takatakai kiate koe ha ngaahi kaumeʻa mo e fāmili. ʻE hoko ʻa e moʻui ʻi he Palataisí ko ha meʻa fakafiefia.
ʻE ʻikai ha manavahē. ʻE fiefia moʻoni ʻa e kakaí.