ʻOku Fanongo Mai ʻa Sihova Kiate Kitautolu?

ʻOku fanongo mai ʻa e ʻOtuá ki heʻetau ngaahi lotú. 1 Pita 3:12

Ko Sihová ko e “Tokotaha-Fanongo ki he lotú.” (Saame 65:2) ʻOkú ne fiemaʻu ke tau lea ange kiate ia mei hotau lotó.

Lotu kia Sihova ʻo ʻikai ki ha toe taha kehe.

ʻE lava ke tau lotu ʻo fekauʻaki mo e ngaahi meʻa lahi. 1 Sione 5:14

Lotu ke fai ʻa e finangalo ʻo e ʻOtuá ʻi hēvani pea ʻi he māmaní.

Lotu ʻi he huafa ʻo Sīsuú ke fakahaaʻi ʻokú ke fakamahuʻingaʻi ʻa e meʻa naʻá ne fai maʻaú.

Kole kia Sihova ke ne tokoniʻi koe ke ke fai ʻa e meʻa ʻoku leleí. ʻE lava foki ke ke lotu fekauʻaki mo ha meʻakai, ngāue, nofoʻanga, vala, mo ha moʻui lelei.