Talateu ki he Konga 3

ʻI he ngaahi taʻu hili ʻa e Lōmakí, ʻoku ʻomai ai ʻi he Tohi Tapú ʻa e hingoa ʻo e kakai tokosiʻi ʻaupito naʻa nau tauhi kia Sihova. Naʻe kau ʻi he faʻahinga naʻe tauhi kiate iá ʻa ʻĒpalahame, ʻa ia naʻe ʻiloa ko e kaumeʻa ʻo Sihova. Ko e hā naʻe ui ai ia ko e kaumeʻa ʻo Sihová? Kapau ko ha mātuʻa koe, tokoniʻi hoʻo kiʻi tamá ke ne ʻiloʻi ʻoku mahuʻingaʻia ʻa Sihova ʻiate ia tonu pea ʻokú ne loto ke tokoniʻi ia. ʻI he hangē ko ʻĒpalahame mo e kau tangata faitōnunga kehe, hangē ko Lote mo Sēkopé, ʻe lava ke tau kole ʻa e tokoni ʻa Sihová ʻi ha taimi pē. ʻE lava ke tau tuipau ʻe fai ʻa Sihova ki he palōmesi kotoa pē ʻokú ne fai.