Talateu ki he Konga 6

ʻI he faifai pea aʻu ʻa e kau ʻIsilelí ki he Fonua ʻo e Talaʻofá, naʻe hoko ʻa e tāpanekalé ko e senitā ʻo e lotu moʻoní. Naʻe akoʻi ʻe he kau taulaʻeikí ʻa e Laó, pea tataki ʻe he kau fakamāú ʻa e puleʻangá. ʻOku fakatātaaʻi ʻi he konga ko ení ʻa e lava ke maongo lahi ʻa e ngaahi fili mo e tōʻonga ʻa ha taha ki he niʻihi kehé. Naʻe maʻu ʻe he ʻIsileli taki taha ha fatongia fakafoʻituitui kia Sihova mo hono kaungā-faʻahinga ʻo e tangatá. Fakamamafaʻi ʻa e tākiekina naʻe fai ʻe Tēpola, Nāomi, Siosiua, ʻAna, ʻofefine ʻo Sēfitá, mo Sāmiuela ki he faʻahinga ʻi honau feituʻú. Fakamamafaʻi naʻa mo e faʻahinga ʻe niʻihi naʻe ʻikai ko e kau ʻIsileli, hangē ko Lēhapi, Lute, Siaili, mo e kau Kipioné, naʻa nau fili ke kau mo e kau ʻIsilelí he naʻa nau ʻiloʻi naʻe kau ʻa e ʻOtuá mo kinautolu.