Talateu ki he Konga 10

ʻOku Tuʻi ʻa Sihova ki he tokotaha kotoa pē. Kuó ne pule maʻu pē, pea te ne pule maʻu ai pē. Ko e fakatātaá, naʻá ne fakahaofi ʻa Selemaia mei ha luo ʻo e maté. Naʻá ne fakahaofi ʻa Setaleki, Mēsake, mo ʻApitenikō mei ha fōnise afi pea fakahaofi ʻa Taniela mei he ngutu ʻo e fanga laioné. Naʻe maluʻi ʻe Sihova ʻa ʻĒseta koeʻuhi ke lava ʻo ne fakahaofi ʻa e puleʻangá fakakātoa. Heʻikai te ne fakaʻatā ke hokohoko atu ʻa e fulikivanú ʻo taʻengata. Ko e kikite fekauʻaki mo e fuʻu ʻīmisí mo e fuʻu ʻakaú ʻoku fakapapauʻi ai ko e Puleʻanga ʻo Sihová kuo vavé ni ke ne toʻo atu ʻa e fulikivanú kotoa pea pule ʻi he māmaní.