Talateu ki he Konga 11

Ko e konga ko ení ʻoku fakahaaʻi ai ʻa e ngaahi Konga Tohi Tapu Faka-Kalisi Kalisitiané. Naʻe fanauʻi ʻa Sīsū ʻi ha fāmili masiva naʻa nau nofo ʻi ha kiʻi kolo siʻisiʻi. Naʻá ne ngāue mo ʻene tamaí, ko ha tufunga. Ko Sīsū ʻa e tokotaha te ne fakahaofi ʻa e faʻahinga ʻo e tangatá. Naʻe fili ia ʻe Sihova ke ne hoko ko e Tuʻi ʻo e Puleʻanga ʻo hēvaní. Kapau ko ha mātuʻa koe, tokoniʻi hoʻo kiʻi tamá ke ne mahinoʻi ʻa e anga hono fili fakalelei ʻe Sihova ʻa e fāmili mo e puipuituʻa ʻa ia ʻe tupu hake ai ʻa Sīsuú. Fakakaukau ki he anga hono maluʻi ʻe Sihova ʻa Sīsū mei hano tāmateʻi ʻe Hēlota mo e ʻikai ke lava ʻe ha meʻa ʻo taʻofi ʻa e taumuʻa ʻa Sihová. Ako ke ʻilo ʻa e founga ʻo hono vaheʻi ʻe Sihova ʻa Sione ke ne teuteu ʻa e halá kia Sīsū. Fakamamafaʻi ʻa hono fakahāhā ʻe Sīsū naʻa mo ʻene kei siʻí, naʻá ne saiʻia ʻi he poto ʻo Sihová.