Konga 1 Fakamanatu
Lāulea ki he ngaahi fehuʻi ko ení mo hoʻo faiakó:
Ko e hā ʻoku fakamānako kiate koe fekauʻaki mo e ngaahi talaʻofa ʻa e ʻOtuá ki he kahaʻú?
(Sio ki he Lēsoni 02.)
Ko e hā ʻokú ke tui ai ko e Tohi Tapú ko e Folofola ʻa e ʻOtuá?
Ko e hā ʻoku mahuʻinga ai ke ngāueʻaki ʻa e huafa ʻo Sihová?
(Sio ki he Lēsoni 04.)
ʻOku pehē ʻe he Tohi Tapú ko e ʻOtuá “ʻa e matavai ʻo e moʻuí.” (Saame 36:9) ʻOkú ke tui ki ai?
(Sio ki he Lēsoni 06.)
Lau ʻa e Palōveepi 3:32.
Ko e hā ko Sihova ai ʻa e Kaumeʻa lelei taha ʻe lava ke tau maʻú?
Ko e hā ʻoku ʻamanekina ʻe Sihova mei hono ngaahi kaumeʻá? ʻOkú ke fakakaukau ʻoku ʻuhinga lelei eni?
Lau ʻa e Saame 62:8.
Ko e hā ha ngaahi meʻa ʻe niʻihi kuó ke lotu kia Sihova ʻo fekauʻaki mo iá? Ko e hā mo ha toe meʻa ʻe lava ke ke lotu ʻo fekauʻaki mo iá?
ʻOku anga-fēfē hono tali ʻe Sihova ʻa e ngaahi lotú?
(Sio ki he Lēsoni 09.)
Lau ʻa e Hepelū 10:24, 25.
ʻE lava fēfē ke ʻaonga kiate koe ʻa e ngaahi fakataha ʻa e Kau Fakamoʻoni ʻa Sihová?
ʻOkú ke fakakaukau ʻoku tuha mo e feingá ke maʻu ʻa e ngaahi fakatahá?
(Sio ki he Lēsoni 10.)
Ko e hā ʻoku lelei ai ke lau maʻu pē ʻa e Tohi Tapú? Ko e hā hoʻo polokalama lau Tohi Tapu fakaʻahó?
(Sio ki he Lēsoni 11.)
Ko e hā kuó ke saiʻia taha ai fekauʻaki mo hoʻo ako Tohi Tapú?
Talu mei hoʻo kamata ako ʻa e Tohi Tapú, ko e hā ʻa e ngaahi pole, kapau ʻoku ʻi ai, kuó ke fehangahangai mo iá? Ko e hā te ne tokoniʻi koe ke ke hanganaki akó?
(Sio ki he Lēsoni 12.)