ʻOku Fakamoʻui ha Kilia!

Fakahinohino: Fai ʻa e lau Tohi Tapu ko ení ʻi he feituʻu lōngonoa. ʻI hoʻo lau ʻa e konga Tohi Tapú, fakaʻuta atu ʻokú ke kau ʻi he meʻa ʻoku hokó. Sioloto atu ki he tuʻungá. Fanongo ki he ngaahi leʻó. ʻAi ke ongoʻi ʻa e ongoʻi ʻa e faʻahinga tefitó. ʻAi ke hā moʻoni ʻa e fakamatalá.

Faʻahinga tefitó: Neamani, ʻIlaisa, pea mo ha kiʻi taʻahine ʻIsileli naʻe ʻikai fakahaaʻi hono hingoá.

Fakamatala nounou: Ko e ʻeikitau Sīlia ko Neamaní ʻoku fakamoʻui mei ha mahaki palakū hili hono fokotuʻu ange ʻe ha kiʻi taʻahine ʻIsileli ke ne sio kia ʻIlaisa.

1 ʻANALAISO ʻA E TUʻUNGÁ.—LAU ʻA E 2 TUʻI 5:1-19.

Ko e hā ʻa e ngaahi ongoʻi kuo pau naʻe fekuki mo e kiʻi taʻahine ʻIsilelí, ʻi he fakakaukau atu ki hono ʻave ia mei hono fāmili manavahē-ʻOtuá?

․․․․․

Ko e hā ʻa e ongoʻi feifeitamaki ʻokú ke fakakaukau atu naʻe ongoʻi ʻe Neamaní​—ko ha tangata mālohi mo ha mahaki fakavaivai sino?

․․․․․

Ko e hā ʻa e ngaahi ongoʻi ʻokú ke mahinoʻi ʻi he fetalanoaʻaki ʻi he vahaʻa ʻo Neamani mo ʻene kau sevānití ʻi he veesi 11 ki he 13?

․․․․․

Ko e hā ʻa e liliu he fakakaukaú ʻi he tafaʻaki ʻa Neamaní ʻokú ke fakatokangaʻi kamata ʻi he veesi 15?

․․․․․

2 FEKUMI LAHI ANGE.

Ko e hā ʻa e ngaahi meʻa tefito naʻe fakatupunga nai ai ke pōlepole ʻa Neamaní? (Toe lau ʻa e veesi 1.)

․․․․․

Ko hono ngāueʻaki ʻa e ngaahi meʻangāue fekumí ʻi hoʻo faingamālié, kumi ha meʻa fekauʻaki mo e kiliá ʻi he ngaahi taimi ʻo e Tohi Tapú.a (Ko e fakatātaá, naʻe kovi fēfē ʻa e mahakí? Naʻe pipihi? Naʻe fēfē hono faitoʻó?)

․․․․․

Ko e hā ʻa e ola ʻokú ke fakakaukau atu kuo pau naʻe hoko nai ki he kiʻi taʻahine ʻIsilelí ʻi hono fakamoʻui ʻo Neamaní?

․․․․․

ʻI he founga fē naʻe ʻahiʻahiʻi nai ai ʻa Neamani ʻe he tali ʻa ʻIlaisá? (Sio ki he veesi 10.)

․․․․․

3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E  . . .

Ngaahi fakatuʻutāmaki ʻo e pōlepolé.

․․․․․

Loto-toʻa ʻi he lea fekauʻaki mo hoʻo tuí.

․․․․․

Mālohi ʻo Sihova ke fakamoʻui ʻa e mahakí.

․․․․․

4 KO E HĀ E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?

․․․․․

LAU ʻA E FAKAMATALA LAHI ANGE MAKATUʻUNGA HE TOHI TAPÚ ʻI HE ʻINITANETÍ HE www.watchtower.org

[Fakamatala ʻi lalo]