Maʻá e Toʻutupú
Tukuakiʻi Loi!
SIOSIFA—KONGA 2
Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻo e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.
Faʻahinga tefitó: Siosifa, Pōtifa mo hono uaifí
Fakanounou: ʻOku tuku pilīsone taʻetotonu ʻa Siosifa, ka ʻoku kau mo ia ʻa Sihova.
1 ʻANALAISO ʻA E TUʻUNGÁ.—LAU ʻA E SĒNESI 39:7, 10-23.
Ko e hā ʻa e ongoʻi ʻokú ke ʻiloʻi naʻe ʻi he leʻo ʻo e uaifi ʻo Pōtifá ʻi heʻene tukuakiʻi loi ʻa Siosifá?
․․․․․
Fakamatalaʻi ʻa e pilīsoné ʻi hoʻo sioloto atu ki ai.
․․․․․
ʻUluakí, ko e hā ʻa e tōʻongafai naʻe pau ke kātekina ʻe Siosifa lolotonga ʻene ʻi he pilīsoné? (Tokoni: Sio ki he Saame 105:17, 18.)
․․․․․
2 FEKUMI LAHI ANGE.
Kapau naʻe vaivai ʻa e tui ʻa Siosifá, ko e hā e fakamulituku hala naʻá ne mei aʻu nai ki ai lolotonga ʻene kei ʻi he pilīsoné? (Tokoni: Sio ki he Siope 30:20, 21.)
․․․․․
ʻOku anga-fēfē ʻetau ʻiloʻi naʻe ʻikai tukuakiʻi ʻe Siosifa ʻa Sihova ki heʻene faingataʻaʻiá? (Tokoni: Sio ki he Sēnesi 40:8; 41:15, 16.)
․․․․․
Ko e hā e ngaahi ʻulungaanga ʻokú ke pehē naʻá ne tokoniʻi ʻa Siosifa ke ne kātekina ai hono tuku pilīsone taʻetotonú? (Tokoni: Lau pea fakalaulauloto ki he ngaahi konga Tohi Tapu ko ení: Maika 7:7; Luke 14:11; Sēmisi 1:4.)
․․․․․
Ko e hā e ako naʻe maʻu ʻe Siosifa ʻi he pilīsoné, pea naʻe anga-fēfē nai ʻene maʻu ʻaonga ʻi he ako ko ení ki mui ange ʻi he moʻuí? (Sio ki he Sēnesi 39:21-23; 41:38-43.)
․․․․․
3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .
Ngaahi ʻaonga ʻoku hoko ki he faʻahinga ko ia ʻoku kātakí.
․․․․․
Ako ʻoku lava ke ke maʻu lolotonga e hokosia ha faingataʻa.
․․․․․
Poupou ʻa Sihova lolotonga e taimi ʻo e ʻahiʻahí.
․․․․․
KI HA NGĀUE LAHI ANGE.
Kuo faifai ange peá ke ʻi ha tuʻunga ʻa ia naʻá ke ongoʻi faingataʻaʻia ai mo tuēnoa? Naʻa mo e lolotonga hoʻo hokosia ʻa e ʻahiʻahí, naʻe anga-fēfē nai hono tokoniʻi koe ʻe Sihová? (Tokoni: Lau pea fakalaulauloto ki he 1 Kolinitō 10:13.)
․․․․․
4 KO E HĀ ʻA E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?
․․․․․
Lau ʻa e fakamatala lahi ange makatuʻunga he tohi tapú ʻi he www.watchtower.org