Taimi ʻOku Hā Ngali Honge Ifo Ai ʻa e Moʻuí

ʻI he tuʻunga ʻe taha, ko Sally,a ʻi ʻAmeliká, naʻe mole ʻa e kotoa ʻene koloá ʻi ha afā, ʻokú ne fakamatala: “Naʻe ʻikai te u ʻiloʻi pe ko e hā teu toe faí. ʻI ha ngaahi ʻaho lahi naʻá ku ongoʻi ai kuo mei ʻosi ʻeku kātakí.”

Fēfē ʻa e mole atu ha ʻofaʻanga ʻi he maté? Ko Janice, mei ʻAositelēliá, ʻokú ne pehē: “ʻI he taimi naʻe mate ai hoku ongo fohá, naʻe konga ʻeku moʻuí. Naʻá ku kōlenga ki he ʻOtuá: ‘Fakamolemole kuo ʻosi ʻeku kātakí! Tuku ange muʻa au ke u mate. ʻOku ʻikai ke u toe fie moʻui au.’”

ʻI he tafaʻaki ʻe tahá, ko Daniel, naʻá ne ongoʻi loto-mamahi lahi ʻi he taimi naʻe taʻefaitōnunga ai ʻa hono uaifí. ʻOkú ne fakamatala: “ʻI he fakahaaʻi mai ʻe hoku uaifí kuó ne taʻefaitōnungá, naʻe hangē ia kuo hokaʻi ʻaki ha hele ʻa hoku mafú. Naʻá ku faʻa ongoʻi ʻa e mamahi ko ení ʻi he taimi ki he taimi​—pea naʻe aʻu ki ha laui māhina.”

Ko e ʻīsiu ko eni Ko e Taua Leʻo ʻe lāulea ki he ʻuhinga ʻe kei ʻaonga ai ke moʻuí naʻa mo e

• Hoko ha fakatamaki fakanatula

• Mate ha ʻofaʻanga

• Taʻefaitōnunga ha hoa mali

• Fekuki mo ha puke lahi

• Honge ifo ʻa e moʻuí

Ko ia ai, ko e ʻuluakí, ʻe lava fēfē ke tau fekuki mo e hoko ha fakatamaki fakanatula?