ʻŪ Ongoongo Fakateokalati

Kemipōtia: ʻI Fēpueli 8, 1993, naʻe maʻu ai ha tohi fakapuleʻanga ko hono fakangofua ke fokotuʻu ha ʻōfisi ki heʻetau ngāué pea fakaʻatā mo e kau misinale ke nau haʻu ki he fonuá. ʻOku tau fiefia he ko e ʻosi atu eni ʻa e ngaahi taʻu lahi hake ʻi he 25, ko hono toki fakaʻatā mai eni ke toe malangaʻi tauʻatāina ʻa e ongoongo leleí ʻi Kemipōtia.

Saipalo: ʻI he tānaki atu ki ha tumutumu foʻou ko e kau malanga ʻe toko 1,462 ʻi Māʻasi, ne toe lipooti mai ʻe he vaʻá ʻa e ngaahi tumutumu ʻi he ngaahi houa, ngaahi toe ʻaʻahi, mo e ngaahi ako Tohitapu.

Laipīlia: ʻI he lolotonga ʻo Māʻasí naʻe malava ai ʻa e ngaahi tokouá ke fai ʻenau Fakataha Fakavahe “Kau Tapua Atu ʻo e Maama” ʻi he konga fonua ʻataʻatā lahi ʻo e Sōsaietí ʻoku hoko atu ki he ʻōfisi vaʻá. Ko e tumutumu ʻo e kau maʻu fakatahá naʻe toko 2,711, pea naʻe papitaiso ai ʻa e toko 78.

Siapani: Ko e tumutumu foʻou ʻo ʻenau kau malanga ʻi Māʻasí naʻe toko 177,591.

Filipaine: Naʻa nau aʻusia ʻi Māʻasi ha tumutumu foʻou ko e kau malanga ʻe toko 115,044.