ʻŪ Ongoongo Fakateokalati

ʻEngikola: ʻI he lolotonga ʻo e māhina ko Tisemá, ko e fakakātoa ʻo e ngaahi makasini naʻe tuku atú naʻe laka hake ʻaki ʻa e 10,000 mei he tumutumu lahi taha ki muʻá. Ko e kau malanga ʻe toko 21,965 ʻoku nau fai ʻa e ngaahi ako Tohi Tapu ʻe 60,691.

Kuatamala: Ko e kau malanga ʻe toko 13,243 ʻi Tisema naʻa nau fiefia ke sio ki he toko 32,911 naʻa nau kau mai ki heʻenau ngaahi Fakataha Fakavahe lalahi ko e “Ngaahi Meʻa ʻOku Akoʻi Mei He ʻOtuá.” Naʻe papitaiso ai ʻa e toko 597 ʻi he ngaahi fakataha ko iá.

Latvia: ʻOku laka ki muʻa ai pē ʻa e ngāué ʻi Latvia. ʻI Tisema ʻo e taʻu kuo ʻosí naʻe lipooti ai ʻa e kau malanga ʻe toko 577 ʻa ia ko ha tumutumu ia. Ko e fakakātoa ʻo e ngaahi ako Tohi Tapu naʻe fai ʻi ʻapí ko e ngaahi ako ʻe 1,816, pea naʻe tuku atu ai ʻe he kau malanga ʻo e ngaahi fakatahaʻangá ʻa e ngaahi makasini ʻi he ʻavalisi ko e 20.5.