Ongoongo Fakateokalati

ʻAʻahi ʻa e Soné: ʻI he lolotonga ʻo ʻene ʻaʻahi ki he Vaʻa ʻi Haʻamoá ʻi Fepuelí, ko e ʻovasia soné, ko Tokoua Jack Porter, naʻá ne fai ha malanga makehe ʻa ia naʻe ʻi ai ʻa e toko 575. ʻI he hili iá, naʻá ne fai ha ʻaʻahi nounou ki Tonga, ʻa ia ko e toko 149 naʻe ʻi heʻene malangá.

Pēnini: Naʻe ʻi ai ʻa e kau malanga ʻe toko 5,331 naʻa nau līpooti ʻi Nōvema, ko e tumutumu hokohoko ʻaki ia hono 59 ʻo e kau malangá.

Saipalo: Ko ha tupu peseti ʻe 2 he lolotonga ʻo Nōvemá ʻa ia naʻá ne ʻomai ha tumutumu foʻou ko e kau malanga ʻe toko 1,758. Naʻe toe ʻi ai mo e tumutumu foʻou ʻi he kau tāimuʻa tuʻumaʻú, ʻa ia naʻe līpooti ai ʻa e toko 136.

ʻInitia: Ko ha laka ki muʻa ʻi he ngāue fakamalangá naʻe vakai ki ai ʻi Nōvema ʻi he taimi naʻe līpooti mai ʻa e kau malanga ʻe toko 18,077 ʻi he ngāue fakamalangá. Ko e tumutumu hokohoko ʻaki ʻeni hono 39.

Laipīlia: Ko ha tumutumu lelei taha ʻo e kau malanga ʻe toko 2,120 naʻe līpooti ʻi he ngāue fakamalangá ʻi Nōvema.

ʻOtu Motu Solomoné: Ko ha tumutumu foʻou ʻo e kau malangá naʻe aʻu ki aí, ko e toko 1,393 naʻe līpooti ʻi Nōvema.

Taiuani: Ko e fika ʻo e ʻavalisi ʻo e kau malangá ʻo aʻu ki he taimi ko ʻeni ʻi he taʻu fakangāué ni ko e toko 3,516, pea ʻoku hā mei ai ha tupulaki ko e peseti ʻe 6 ʻo laka hake ʻaki mei he taʻu kuo ʻosí.