Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“ʻOku ongoʻi ʻe he kakai ʻe niʻihi ko Sīsū ʻa e tangata lahi taha ʻi he hisitōliá. ʻOku fehuʻia ʻe he niʻihi pe naʻá ne ʻi ai nai. ʻOkú ke fakakaukau ʻoku mahuʻinga ʻetau tui fekauʻaki mo iá? [Hili ʻene talí, lau ʻa e Ngāue 4:12.] Ko e hā ʻa e fakamoʻoni naʻe ʻaʻeva moʻoni ʻa Sīsū ʻi he māmaní? ʻOku sivisiviʻi ʻe he makasini ko ení ʻa e fehuʻi ko iá.”
Awake! Sune 22
“ʻOku hohaʻa ʻa e kakai tokolahi fekauʻaki mo e ʻātakaí. ʻOkú ke fakakaukau ʻe malava ke fakatolonga ʻa e vaotā fakatalopikí? [Tuku ke ne tali.] ʻOku fakamatalaʻi ʻe he makasini ko ení ʻa e ngaahi feinga fakamuimui ke fakahaofi ʻa e vaotaá. ʻOku toe lāulea ai ki he founga ʻe fakahoko ai ʻa e talaʻofa fakaʻofoʻofa ko eni mei he ʻOtuá.” Lau ʻa e Aisea 11:9.
Ko e Taua Leʻo Siu. 1
“Ko e taha ʻo e ngaahi fiemaʻu tefito taha ʻa e tangatá ke ʻofa pea ke hoko ʻo ʻofaʻi ia. [Lau ʻa e fakamatala ʻo e fakatātā ʻoku hiki ʻi he peesi 4.] Neongo ia, kuó ke fakatokangaʻi ko e sōsaieti fakaeonopōní ʻoku hehema ia ke fakamuʻomuʻa ʻa e ngaahi meʻa kehé? [Tuku ke ne tali.] ʻOku lāulea ʻa e makasini ko ení ki he ʻofa moʻoní mo e founga ʻe lava ai ke fakatupulekiná.” Lau ʻa e 1 Kolinito 13:2.
ʻĀ Hake! Siu.-Sep.
“ʻIkai ʻoku fakamamahi hono maumauʻi ʻa e moʻui ʻa e toʻutupu tokolahi ʻe he faitoʻo kona tapú? [Tuku ke ne tali.] ʻOku faʻa kamata ʻa e ngaahi palopalemá ʻi he taimi ʻoku feohi ai ʻa e toʻutupú mo e faʻahinga halá. [Lau ʻa e 1 Kolinito 15:33.] Ko e ʻīsiu ko eni ʻo e ʻĀ Hake! ʻoku sivisiviʻi ai ʻa e meʻa ʻokú ne tākiekina ʻa e toʻutupú ke nau kamata ngāueʻaki ʻa e faitoʻo kona tapú mo e meʻa ʻe lava ke fai ʻe he ngaahi mātuʻá ke maluʻiʻaki kinautolú.”