Ngaahi Tokonaki ke Tokoniʻi Kitautolu Ke Tau Fakaʻehiʻehi mei he Totó
Ko e kau malanga ʻosi papitaiso kuo nau fakafonu ki muʻa ha kaati Fakahinohino/Fakaʻatā Fakafaitoʻo Tokamuʻa pe Kaati Fakaʻilonga fakataha mo ha ʻaho ʻoku paaki ai ko e 3/99 pe ki mui ai ʻe ʻikai fiemaʻu ke nau fakafonu ha kaati foʻou ʻi he taʻú ni. Ki he Fakataha Ngāue ʻo e uike ʻo Fepueli 2, ʻoku totonu ke maʻu ai ʻe he sekelitalí ha tokonaki feʻunga ʻo e ngaahi kātí ki he kau malanga papitaiso foʻoú, ko ʻenau fānaú, pea mo e faʻahinga ʻoku nau fiemaʻu ke fetongi ʻenau kaatí. ʻE ʻikai ke ʻoatu ha uta ʻo e ngaahi meʻá ni ki he fakatahaʻangá. Kapau ʻoku ʻikai maʻu ha kaati feʻunga ʻe he fakatahaʻangá, ʻe vakaiʻi ia ʻe he sekelitalí mei he ngaahi fakatahaʻanga ofi maí pe kole ha kaati lahi ange ʻi he kole tohi hoko mai ʻa e fakatahaʻangá.
Ko e ngaahi kātí ʻoku totonu ke fakafonu fakalelei ia ʻi ʻapi kae ʻOUA ʻe fakamoʻoni ai. ʻI he Ako Tohi hoko mai ʻa e Fakatahaʻangá, ʻoku totonu ke fai ai ʻa e fakamoʻoni hingoa ʻi he kātí, fakamoʻoni ha toko taha ki ai, pea fokotuʻu ai ʻa e ʻahó, fakataha mo e tokoni ʻo fakatatau ki he fiemaʻú mei he ʻovasia ʻo e ako tohí. ʻOku totonu ke sio tonu ʻa e faʻahinga ʻoku fakamoʻoní ki he fakamoʻoni ʻa e toko taha ʻoku ʻaʻana ʻa e kātí ʻi he kātí.
ʻE ʻikai fiemaʻu ke fakafonu ʻe he kau malangá ha foomu foʻou ʻo e foomu fakahinohino ki he tokangaʻi ʻo e moʻuí (HCD) tuku kehe kapau (1) ko ʻenau foomu lolotongá ʻoku fakaʻaho ia ki muʻa ʻi he 1/02, (2) ʻoku ʻikai tapua mei ai ʻenau ngaahi fakaʻamu lolotongá, pe (3) kuo nau hiki ki Tonga mei ha toe fonua ʻe taha. Ko e sekelitalí foki ʻoku totonu ke ne toe maʻu ha foomu HCD lahi feʻunga, pea pehē ki he Tataki Fakaefakahinohino Tokamuʻá.
ʻE hiki nai ʻe he kau malanga teʻeki papitaisó ha ngaahi fakahinohino maʻanautolu mo ʻenau fānaú ʻaki ʻa hono ngāueʻaki ʻa e fakalea mei he kaati Fakahinohino/Fakaʻatā Fakafaitoʻo Tokamuʻá, Kaati Fakaʻilongá mo e foomu HCD.
(Kātaki ʻo fakatokangaʻi ange, koeʻuhi ko e ngaahi ʻuhinga fakalaó, ko e foomu HCD ʻoku ngāueʻaki ʻi Tongá ʻoku kehe ia mei he foomu ʻoku ngāueʻaki ʻi Nuʻusilá.)