Ngaahi Meʻa ke Manatuʻi ki he Fakamanatú

Ko e kātoanga Fakamanatu ʻi he taʻu ní ʻoku tō ia ʻi he Sāpate, ʻEpeleli 4. ʻOku totonu ki he kau mātuʻá ke nau fai ha tokanga ki he ngaahi meʻa ko ení:

◼ ʻI hono fokotuʻu ʻa e taimi ki he fakatahá, fakapapauʻi ʻe ʻikai ke tufa ʻa e maá mo e uainé kae ʻoua ke tō ʻa e laʻaá.

◼ Ko e tokotaha kotoa pē, ʻo kau ai ʻa e tokotaha malangá, ʻoku totonu ke fakahā ki ai ʻa e taimi mo e feituʻu totonu ki he kātoangá.

◼ ʻOku totonu ke maʻu mo ʻosi teuteu ʻa e faʻahinga mā mo e uaine ʻoku feʻungamālié.—Sio ki he Taua Leʻo, ʻo Fepueli 15, 2003, peesi 14-​15.

◼ ʻOku totonu ke tomuʻa ʻomai ʻo fokotuʻutuʻu ki he holó ʻa e peletí, ipu sioʻatá pea mo ha tēpile mo ha meʻa ʻufiʻufi tēpile feʻunga.

◼ ʻOku totonu ke fakamaʻa fakaʻāuliliki ki muʻa ʻa e Fale Fakatahaʻangá pe ko ha feituʻu faiʻanga fakataha kehe pē.

◼ Ko e kau fakanofonofó mo e kau tufá ʻoku totonu ke fili pea fakahinohinoʻi ki muʻa ʻo fekauʻaki mo honau ngaahi fatongiá, ko e founga totonu ke muimui aí pea mo e fiemaʻu ki ha vala mo e teuteu taau.

◼ ʻOku totonu ke fai ʻa e ngaahi fokotuʻutuʻu ke ngāue ki ha faʻahinga pē ʻo e kau paní ʻoku vaivai ʻo ʻikai malava ke ʻi ai.

◼ ʻI he taimi ʻoku fakataimitēpileʻi ai ha ngaahi fakatahaʻanga lahi hake he tahá ke ngāueʻaki ʻa e Fale Fakatahaʻanga tatau, ʻoku totonu ke ʻi ai ʻa e feongoongoi lelei ʻi he lotolotonga ʻo e ngaahi fakatahaʻangá koeʻuhi ke fakaʻehiʻehi ai mei he feʻefiʻefihi ʻoku ʻikai fiemaʻu ʻi he loki talitalí pe matapā hūʻangá, ʻi he hala ʻaluʻanga kakaí pea ʻi he tauʻanga meʻalelé.