Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San.-Mas.
“ʻOku lotu ʻa e kakai tokolahi ke hoko mai ʻa e Puleʻanga ʻo e ʻOtuá. Ko e fakatātaá, fakatokangaʻi ʻa e lotu ʻiloa ko ʻeni naʻe akoʻi ʻe Sīsū ki hono kau muimuí. [Lau ʻa e Mātiu 6:9, 10.] Kuó ke fifili pe ko e hā ʻa e Puleʻangá pea ʻe hoko mai ia ʻafē? [Tuku ke ne tali.] ʻOku fakahaaʻi ʻe he makasini ko ʻení ʻa e meʻa ʻoku leaʻaki ʻe Tohi Tapú fekauʻaki mo e meʻá ni.”
ʻĀ Hake! San.-Mas.
“ʻI he kuohilí, naʻe faʻa hanga ʻa e kakaí ki he Tohi Tapú ki ha tataki. Ka ʻi he taimi ní, ʻoku veiveiua ai ʻa e tokolahi. Ko e hā hoʻo fakakaukaú? [Tuku ke ne tali. Lau leva ʻa e 2 Timote 3:16.] ʻOku ʻomai ʻe he ʻīsiu makehe ko ʻeni ʻo e ʻĀ Hake! ʻa e fakamoʻoni mālohi ko e Tohi Tapú ko e fakamānavaʻi ʻe he ʻOtuá.”
Ko e Taua Leʻo San.-Mas.
“ʻOkú ke loto-tatau mo e meʻa ʻoku leaʻaki hení? [Lau ʻa e Semisi 3:2.] ʻOku ʻomai ʻe he kupu ko ʻení ʻa e ngaahi fokotuʻu ʻaonga mei he Tohi Tapú ke tokoniʻi kitautolu ke tau fakaʻehiʻehi mei hono fakalotomamahiʻi ʻa e ngaahi mēmipa ʻo e fāmilí ʻaki ʻetau leá.” Fakaeʻa ʻa e kupu ʻoku kamata ʻi he peesi 10.
ʻĀ Hake! San.-Mas.
“ʻI hotau kuonga ʻo e saienisí mo e fakataʻetaʻetuí, ʻoku fakakaukau ai ʻa e kakai tokolahi kuo ʻosi e taimi ia ʻo e Tohi Tapú. Ko e hā hoʻo fakakaukau fekauʻaki mo e meʻa ko iá? [Tuku ke ne tali.] Naʻá ke ʻilo ko e fakamatala kotoa pē ʻi he Tohi Tapú ki he meʻa fakasaienisí ʻoku moʻoni? [Lau ʻa e Siope 26:7.] ʻOku ʻomai ʻe he ʻīsiu makehe ko ʻeni ʻo e ʻĀ Hake! ʻa e ngaahi ʻuhinga mālohi ʻe lava ai ke tau falala ki he Tohi Tapú.”