Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEpeleli-Sune
“ʻE lava ke hoko ko ha pole moʻoni ke fai ʻa e meʻa ʻoku totonú ʻi he taimi ʻoku tenge ai kitautolu ʻe he kakaí ke fai ha meʻa kehe. ʻOkú ke pehē ko e hā ʻe lava ke ne tokoniʻi kitautolu ke ʻoua ʻe foʻi ai? [Tuku ke ne tali. Lau leva ʻa e Palovepi 29:25.] ʻOku fakahaaʻi ʻi he kupu lelei ko ení ʻa e ʻuhinga ʻe nima ke manavahē ai ki hano taʻefakahōifuaʻi ʻa e ʻOtuá ʻo ʻikai ko e tangatá.” Fakaʻaliʻali ʻa e kupu ʻoku kamata ʻi he peesi 12.
ʻĀ Hake! ʻEpeleli-Sune
“ʻI he fakatupu hohaʻa ʻa e tuʻunga fakaʻekonōmiká ki he tokolahi ʻi he ʻahó ni, ʻoku fiemaʻu ke levaʻi lelei ʻa e paʻangá pea ʻoku fiemaʻu ke akoʻi ʻa e fānaú ki he mahuʻinga ʻo e paʻangá. ʻE tokoni eni kia kinautolu ʻi heʻenau hoko ko e kakai lalahí. ʻOku ʻi ai ha fakahinohino ʻaonga ʻi he 1 Timote 6:7, 8 [Lau.] Ko e ngaahi kupu ko eni felāveʻi mo e paʻangá ʻo kau ai ʻa e fakamatala ʻi he peesi 5 ki he 8 ʻe ʻaonga ʻaupito.”
Ko e Taua Leʻo Siulai-Sepitema
“ʻOkú ke fakakaukau ko e hā nai ha meʻa ʻokú ne ʻai ha tokotaha ke faingataʻa ʻene tui ki he ʻOtuá? [Tuku ke ne tali.] Fakatatau ki he vēsí ni, ʻoku mahuʻinga ʻa e tuí. [Lau ʻa e Hepelu 11:6.] ʻOku fakamatalaʻi ʻi he makasini ko ení ʻa e founga ʻe fā ʻe lava ke fakaivimālohiʻi ai ʻetau tuí.”
ʻĀ Hake! Siulai-Sepitema
“Ko e tokolahi ʻo e fānau akó ʻoku nau mafasia nai. ʻOkú ke fakakaukau ʻoku kehe ʻa e tuʻungá mei he taimi naʻe ako ai ʻenau mātuʻá? [Tuku ke ne tali.] Ko e mafasia tōtuʻá ʻe lava ke ʻi ai ʻene uesia. [Lau ʻa e Koheleti 7:7a.] ʻOku fakamatala ʻa e makasini ko ení ki he founga ʻe lava ke tokoni ai ʻa e kakai lalahí ki he fānaú ke nau fekuki mo ia.”