Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOkatopa-Tīsema
“ʻOku pehē ʻe he niʻihi kapau ʻokú ke faitōnunga ki he ʻOtuá, te ne tāpuakiʻi koe ʻaki ʻa e koloa, ka ko e masivá ko ha fakaʻilonga ia ʻo e taʻehōifua mai ʻa e ʻOtuá. Ko e hā hoʻo fakakaukaú? [Tuku ke ne tali.] ʻOku fakatupu tokangá, ko Sīsuú naʻe ʻikai ko ha tangata koloaʻia ia. [Lau ʻa e Luke 9:58.] ʻOku lāulea ʻa e makasini ko ení ki he faʻahinga tāpuaki ʻoku lava ke ʻamanekina ʻe he kau sevāniti ʻa e ʻOtuá.”
ʻĀ Hake! ʻOkatopa-Tīsema
“Ko kitautolu kotoa ʻoku maʻukovia ʻe he filifilimānako taʻetotonú. ʻOkú ke pehē ʻoku fēfē ongoʻi ʻa e ʻOtuá fekauʻaki mo e tomuʻa fehiʻá? [Tuku ke ne tali. Pea lau ʻa e Ngāue 10:34, 35.] ʻOku lava ke tokoniʻi kitautolu ʻe he Tohi Tapú ke tau fekuki mo e taimi ʻoku maʻukovia ai kitautolu ʻe he filifilimānakó. ʻOku toe tokoniʻi ai kitautolu ke taʻaki fuʻu ha tomuʻa fehiʻa pē nai ʻoku tau maʻu. ʻOku fakamatala ki ai ʻa e makasini ko ení.”
Ko e Taua Leʻo ʻOkatopa-Tīsema
“Koeʻuhi ʻoku ʻikai ke lea hangatonu mai ʻa e ʻOtuá kia kitautolu, ʻoku anga-fēfē ʻetau ʻiloʻi ʻa e meʻa ʻokú ne fiemaʻu meiate kitautolú? [Tuku ke ne tali.] ʻOku tau ʻilo ʻa e meʻa ʻoku fiemaʻu ʻe he ʻOtuá koeʻuhi he ʻokú ne lea mai kia kitautolu fakafou ʻi he folofola kuo tohí. Fakatokangaʻi ʻa e ʻaonga ʻo e Tohi Tapú. [Lau ʻa e 2 Timote 3:16, 17.] Ko ha fehuʻi lelei ke ʻeke: ‘ʻOku ou fakaʻatā ʻa e ʻOtuá ke lea mai kiate au?’ Ko e kaveinga ʻeni ʻo e fakamatala ʻoku kamata he peesi 13.”
ʻĀ Hake! ʻOkatopa-Tīsema
Lau ʻa e 1 Sione 4:8. Pea pehē leva: “ʻOku tui ʻa e niʻihi ʻoku fakamamahiʻi taʻengata ʻe he ʻOtuá ʻa e fulikivanú ʻi ha afi ko heli. ʻOku ongoʻi ʻe he niʻihi ko e fakakaukau ko iá ʻoku ʻikai fehoanaki ia mo e meʻa kuó ta toki laú. Ko e hā hoʻo fakakaukaú? [Tuku ke ne tali.] ʻOku fakahā mai ʻi he kupu ko ení ʻa e meʻa ʻoku akoʻi ʻe he Tohi Tapú fekauʻaki mo e kaveingá.” Fakaʻaliʻali ʻa e kupu ʻoku kamata ʻi he peesi 10.