Kapau ʻOkú Ke Fiemaʻu Fakavave ha Ngaahi Tohi ʻi ha Lea Muli
ʻI he taimi ʻe niʻihi te tau fetaulaki ai mo ha kakai ʻoku nau saiʻia ange ke lau ʻetau ngaahi tohí ʻi ha lea muli ʻa ia ʻoku ʻikai ke maʻu ʻi he tukuʻanga tohi ʻetau fakatahaʻangá. Naʻá ke ʻilo kapau ʻokú ke lava ʻo ngāueʻaki ʻa e ʻInitanetí mo ha mīsini pulusi, te ke lava ʻe koe ʻo pulusi ha tohi ʻi ha ngaahi lea ʻe meimei 400 nai? Ko e foungá eni:
• ʻAlu ki he www.watchtower.org ko ʻetau Uepisaiti fakaʻofisialé.
• ʻI he tafaʻaki toʻomataʻu ʻo e peesi ʻoku ʻuluaki hā maí ʻoku fakaʻasi mai ai ha lisi fakakonga ʻo e ngaahi lea kehekehe. Lomi ʻi he fakatātā ʻo e foʻi kolopé ʻe maʻu ai ha lisi ʻo e ngaahi lea kehekehe kotoa ʻe ala maʻú.
• Lomi ʻi he lea ʻokú ke fiemaʻú. ʻE ʻasi mai leva ha peesi ʻoku hā ai ʻa e ngaahi tohi te ke lava ʻo pulusí, hangē ko e ngaahi tuleki, ngaahi polosiua, mo e ngaahi kupu. Koeʻuhi ko e peesi ko ení ʻoku hiki ia ʻi he lea kuó ke filí, ʻoua te ke hohaʻa kapau ʻoku ʻikai te ke ʻilo ʻa e ngaahi kaveingá.
• Lomi ʻi ha faʻahinga kupu pē. ʻE hā mai ʻa e fakamatalá ʻi he komipiutá pea ʻe lava leva ʻo pulusi ʻo ngāueʻaki ʻa e ngaahi naunau pulusi ʻi hoʻo komipiutá.
Ko ʻetau Uepisaití ʻoku ʻi ai ha konga siʻi pē; ki ha toe ngaahi tohi lahi ange ʻe ala maʻu ia fakafou ʻi he fakatahaʻangá. ʻI hoʻo fakamoʻoniʻi pē ʻoku mahuʻingaʻia moʻoní, ʻoku lelei tahá ke kole ʻa e tohi mei he kānita tohí.