Meʻa ke Leaʻaki Fekauʻaki mo e Makasiní

Ko e Taua Leʻo Sanuali-Maʻasi

“ʻI he fekauʻaki mo e palataisi ʻoku lave ki ai ʻi he Tohi Tapú, ʻi he taimi ʻe niʻihi ʻoku faʻa ʻeke ʻe he kakaí, ‘ʻOku ʻi fē ia?’ pe ‘ʻE faifai angé pea tau sio ai?’ Ko hotau Tokotaha-Fakatupú ʻokú ne ʻomai ʻa e fakapapau ko ení. [Lau ʻa e Aisea 55:11.] Ko e kupu ʻi he peesi 13 ʻokú ne tali ʻa e fehuʻi, ‘ʻOku tuʻu ʻi fē ʻa e Palataisi Fakatohitapú?’”

ʻĀ Hake! Sanuali-Maʻasi

“ʻOku totonu ke fēfē ʻa e tali ʻa e kau Kalisitiané ʻi he taimi ʻoku tō ai ha fakatamaki? Hangē ko ia ne tomuʻa tala ʻi he Maake 13:8, ʻe ʻamanekina ʻa e ngaahi mofuike. [Lau] Ko e ngaahi fakamatala fakaloto-māfana ʻo e ngaahi tokoni naʻe tokonaki hili ʻa e mofuike ʻi Haití ʻoku kamata ʻi he peesi 20.”

Ko e Taua Leʻo ʻEpeleli-Sune

“ʻOku tui ʻa e kakai tokolahi ko e ngoue ʻo ʻĪtení ko ha talatupuʻa. Te ke ʻohovale nai ke ʻilo naʻe lea ʻa Sīsū fekauʻaki mo ʻĀtama mo ʻIvi ko e kakai moʻoni? [Tuku ke ne tali. Lau leva ʻa e Mātiu 19:4-6.] Ko e makasini ko ení ʻokú ne tali ʻa e ngaahi fehuʻi anga-maheni ʻe niʻihi fekauʻaki mo e ngoue ʻo ʻĪtení.”

ʻĀ Hake! ʻEpeleli-Sune

Fakaʻaliʻali ʻa e takafí pea ʻeke, “ʻE anga-fēfē haʻo tali ʻa e fehuʻi ko ení? [Tuku ke ne tali.] Ko e Tohi Tapú ʻokú ne fakalototoʻaʻi ʻa e kakaí ke nau melino. [Lau ʻa e Semisi 3:17.] Ko ia leva, ko e hā kuo teʻeki fakafāʻūtahaʻi ai ʻe he lotú ʻa e faʻahinga ʻo e tangatá? ʻE faifai ange pea hoko ʻa e lotú ko ha mālohi ia ki he melinó? Ko e makasini ko ení ʻokú ne vakaiʻi ʻa e tali ki he ongo fehuʻi ko iá.”