Sīpinga Tuʻuaki

Te Tau Maʻu mei Fē ʻa e Tali ki he Ngaahi Fehuʻi Lalahi ʻi he Moʻuí?

ʻOange ʻa e tulekí ki he tokotaha-ʻapí koeʻuhi ke ne lava ʻo sio ki he kaveingá pea pehē leva: “Mālō e lelei. ʻOku mau kau ʻi ha feingangāue ʻi māmani lahi ko hono tufaki ʻa e pōpoaki mahuʻinga ko ení. Ko hoʻo tatau ena.”

Kapau ʻokú ke tuku ʻa e tulekí ʻi he ngaahi ʻapi-ʻikai-ha-tahá, ʻe lava ke ke tuku ia ke ʻoua ʻe sio mai ki ai ʻa e niʻihi kehé pea fakaʻehiʻehi mei hono pelu noaʻiá.

Kapau ʻoku fakahāhā ʻe he tokotaha-ʻapí ha mahuʻingaʻia pe loto ke talanoa, te ke ʻeke nai pe ko e hā ʻene fakakaukau ki he ngaahi fehuʻi ʻi he peesi muʻomuʻá. Fakaava ʻa e tulekí pea fakahaaʻi kiate ia ʻa e meʻa ʻoku leaʻaki ʻi he Saame 119:144, 160. Fakamatalaʻi ʻoku ʻi he tuleki ko ení ha fakamatala fekauʻaki mo ha Uepisaiti ʻe lava ke tokoniʻi ia ke ne maʻu ʻa e ngaahi tali fakafiemālie mei he Tohi Tapú. ʻE lava nai ke ke fakahaaʻi kiate ia ʻa e foʻi vitiō ʻoku fakakaveinga Ko e Hā ke Ako Ai ʻa e Tohi Tapú? Ki muʻa ke ke mavahé, lave ki he fehuʻi ʻe tolu ʻi he peesi fakaʻosi ʻi he tulekí pea ʻeke ange pe ko fē fehuʻi ʻoku mahuʻingaʻia taha aí. Tala ange te ke foki atu koeʻuhí ke ke lava ʻo fakahaaʻi kiate ia ʻa e founga ke maʻu ai ʻa e tali Fakatohitapu ki he fehuʻi ko iá ʻaki hono ngāueʻaki ʻa e jw.org. ʻI he taimi te ke toe foki aí, lāulea ki he talí ʻaki ʻa e ʻalu ki he BIBLE TEACHINGS > BIBLE QUESTIONS ANSWERED.

Kapau ʻokú ke toe tufaki atu mo e ngaahi tohi fakaafe ki hoʻo fakataha-lahi fakavahefonuá, ʻoange ki he tokotaha-ʻapí ʻa e tohi fakaafé fakataha mo e tulekí peá ke pehē, “ʻOku mau toe fakaafeʻi koe ki ha polokalama taʻetotongi ki he kakaí ʻoku teu ke fakahoko.”

Ko e Taua Leʻo Siulai-ʻAokosi

ʻI he ngaahi fakaʻosinga uiké kapau ʻoku faingamālie, leaʻaki eni ke tuʻuaki ʻa e Ko e Taua Leʻo: “ʻOku mau toe saiʻia ke fakaʻaliʻali atu kiate koe ʻemau makasini fakamuimui tahá. ʻI he Taua Leʻo ko ení ʻoku tali ai ʻa e fehuʻi “Ko e Hā ʻa e Vakai ʻa e ʻOtuá ki he Ifi Tapaká?”