KOLOA MEI HE FOLOFOLA ʻA E ʻOTUÁ | SIOPE 21-27
Talitekeʻi ʻe Siope e Fakakaukau Halá
ʻOku ngāueʻaki ʻe Sētane ʻa e loí ke fakalotosiʻiʻi ʻa e kau sevāniti ʻa Sihova he ʻaho ní. Fakatokangaʻi ʻa e faikehekehe ʻi he vahaʻa ʻi he loi ʻa Sētané mo e ongoʻi moʻoni ʻa Sihová hangē ko ia ʻoku hā ʻi he tohi Siopé. Tānaki atu mo ha ngaahi veesi Tohi Tapu ke fakamoʻoniʻi ʻoku tokanga mai ʻa Sihova kiate koe.
NGAAHI LOI ʻA SĒTANÉ |
ANGA ʻO E ONGOʻI MOʻONI ʻA SIHOVÁ |
|---|---|
Ko e ʻOtuá ʻokú ne kounaʻi ʻa e meʻa lahi ange mei heʻene kau sevānití. ʻOku ʻikai lava ʻe ha meʻa fakatupu ke fakahōifuaʻi ia (Siope 4:18; 25:5) |
ʻOku houngaʻia moʻoni ʻa Sihova ʻi heʻetau feinga anga-fakatōkilaló (Siope 36:5) |
ʻOku ʻikai ha ʻaonga ʻa e tangatá ki he ʻOtuá (Siope 22:2) |
ʻOku tali mo tāpuakiʻi ʻe Sihova ʻetau ngāue faitōnungá (Siope 33:26; 36:11) |
ʻOku ʻikai tokanga ʻa e ʻOtuá pe ʻokú ke māʻoniʻoni (Siope 22:3) |
ʻOku ʻafioʻi ʻe Sihova ʻa e kau māʻoniʻoní (Siope 36:7) |