Ko e Puleʻangá—Taʻu ʻe 100 pea Kei Hokohoko Atu Pē

Ko e faʻahinga ʻoku nau loto ke kau ʻi he tangataʻifonua ʻi he Puleʻanga ʻo e ʻOtuá ʻoku totonu ke nau ako ʻo fekauʻaki mo e Puleʻangá mo e meʻa kuó ne fakahokó ʻi he lahi taha te nau ala lavá. Ko e hā hono ʻuhingá? ʻOku ʻikai ngata pē hono fakaivimālohiʻi ʻenau tui ko e Puleʻanga ʻo e ʻOtuá ʻe pulé ka ʻokú ne toe ueʻi honau lotó ke “tala” ki he niʻihi kehé ʻa e ongoongo lelei ʻo e Puleʻanga ʻo e ʻOtuá. (Saame 45:1; 49:3) ʻI hoʻo sio ʻi he vitiō Ko e Puleʻangá—Taʻu ʻe 100 pea Kei Hokohoko Atu Pē, kumi ʻa e tali ki he ngaahi fehuʻi ko ení:

1. Ko e hā ko ha tāpuaki ai ʻa e “Tulama-ʻAta ʻo e Fakatupú” ki he faʻahinga naʻa nau sio aí?

2. Naʻe anga-fēfē hono ngāueʻaki ʻa e letioó ke aʻu ai e ongoongo leleí ki he kakaí?

3. Ko e hā ha toe founga naʻe ngāueʻaki ki hono malangaʻi ʻo e ongoongo leleí, pea ko e hā hono olá?

4. Kuo anga-fēfē fakalakalaka ʻa e ako ki he ngāue fakafaifekaú ʻi he faai mai ʻa e ngaahi taʻú?

5. Ko e hā ʻa e ngaahi ako ʻaonga naʻe tokonaki maʻá e kau ako ʻi he Akoʻanga Kiliatí?

6. Ko e hā ʻa e tokoni kuo fai ʻe he ngaahi fakataha-lahí ʻi hono akoʻi ʻa e kakai ʻa Sihová?

7. Ko e hā ʻokú ne fakamoʻoniʻi kiate koe ʻoku pule ʻa e Puleʻanga ʻo e ʻOtuá?

8. ʻE lava fēfē ke tau fakahāhā ʻetau poupou ki he Puleʻanga ʻo e ʻOtuá?