Sīpinga Tuʻuaki

Fehuʻi: ʻOku fifili ʻa e kakai tokolahi pe ʻoku tali ʻe he ʻOtuá ʻa e lotu kotoa pē ʻoku fai ange kiate iá, pe ko ha lotu pē ʻa ha niʻihi. Ko e hā ho fakakaukaú?

Konga Tohi Tapu: Saame 145:18

Tuʻuaki: Ke tali ʻe he ʻOtuá ha lotu ʻoku fai ange kuo pau ke fehoanaki ia mo ʻene ngaahi fiemaʻú. Ko e ʻīsiu ko eni ʻo e Taua Leʻo ʻoku fakamatala lahi ange ai ki he ngaahi fiemaʻu ʻa e ʻOtuá ʻo fekauʻaki mo ʻetau lotú.

Fehuʻi: ʻOku fakatupunga ʻe he ʻOtuá ʻetau faingataʻaʻiá pe ko ha toe ʻuhinga kehe?

Konga Tohi Tapu: Siope 34:10

Moʻoni: ʻOku ʻikai ʻaupito fakatupunga ʻe he ʻOtuá ʻetau faingataʻaʻiá. Kae kehe, ʻoku tupu ʻa e faingataʻá mei he Tēvoló, taimi ʻoku fai ai ʻe he tangatá ʻa e ngaahi fili kovi mo e taimi ʻoku nau ʻi he feituʻu hala ai ʻi he taimi hala. ʻI he taimi ʻoku tau faingataʻaʻia aí, ʻoku kau maʻu pē ʻa e ʻOtuá ke poupouʻi kitautolu. ʻOkú ne tokanga lahi mai kia kitautolu.

Fehuʻi: ʻOkú ke fakakaukau ʻoku puleʻi ʻe he ʻOtuá ʻa e māmaní? [Tuku ke ne tali.] Te ke ʻohovale nai ʻi he meʻa ʻoku leaʻaki ʻe he Tohi Tapú. ʻOku fakamatalaʻi eni ʻe he vitiō nounou ko ení. [Huluʻi e vitiō.]

Tuʻuaki: ʻI he vahe 11 ʻo e tohi ko ení ʻoku fakamatala ai ki he ʻuhinga kuo fakaʻatā ai ʻe he ʻOtuá ʻa e faingataʻá mo e meʻa ʻokú ne fakataumuʻa ke faí. [Tuʻuaki ʻa e tohi Akoʻi ʻe he Tohi Tapú pe tohi Teach Us.]