“Ko Au Eni; Fekau Au!”

ʻOku taau ke faʻifaʻitaki ki he laumālie loto-lelei naʻe maʻu ʻe ʻAiseá. Naʻá ne fakahāhā ʻa e tui mo tali vave ha fiemaʻu neongo naʻe ʻikai ke ne ʻiloʻi kotoa ʻa e fakaikiikí. (ʻAi. 6:8) ʻE lava ke ke feʻunuʻaki ho ngaahi tuʻungá kae lava ke ke ngāue ʻi ha feituʻu ʻoku lahi ange ai ʻa e fiemaʻu ʻo e kau fanongonongo ʻo e Puleʻangá? (Saame 110:3) Ko e moʻoni, ʻoku mātuʻaki fiemaʻu ke “fikaʻi ʻa e fakamolé” ki aí. (Luke 14:27, 28) Kae kehe, hoko ʻo loto-lelei ke fai ha ngaahi feilaulau koeʻuhí ko e ngāue fakamalangá. (Māt. 8:20; Mk. 10:28-30) Hangē ko ia naʻe hā ʻi he vitiō ko e Hiki ʻo Ngāue ʻi he Feituʻu ʻOku Lahi Ange Ai ʻa e Fiemaʻú, ko e ngaahi tāpuaki te tau maʻu ʻi he ngāue kia Sihová ʻoku laka mamaʻo ange ia ʻi ha ngaahi feilaulau te tau fai.

HILI ʻA E SIO ʻI HE VITIOÓ, TALI ʻA E NGAAHI FEHUʻÍ NI:

• Ko e hā ʻa e ngaahi feilaulau fakafoʻituitui naʻe fai ʻe he ngaahi mēmipa ʻo e fāmili ʻo Williams kae lava ke nau ngāue ʻi ʻEkuatoá?

• Ko e hā ʻa e ngaahi tafaʻaki naʻa nau lāulea ki ai ʻi heʻenau fili ʻa e feituʻu ke ngāue aí?

• Ko e hā ʻa e ngaahi tāpuaki naʻa nau maʻú?

• Te ke maʻu mei fē ʻa e fakamatala lahi ange fekauʻaki mo e ngāue ʻi he feituʻu ʻoku lahi ange ai ʻa e fiemaʻú?

LOLOTONGA HOʻO EFIAFI LOTU FAKAFĀMILI HOKÓ, LĀULEA KI HE ONGO FEHUʻÍ NI:

• ʻE lava fēfē ke tau fakalahi atu ʻetau ngāue fakafaifekaú ʻi he tuʻunga ko ha fāmili? (km 8/11 4, 7-8)

• Kapau ʻoku ʻikai malava ke tau ngāue ʻi ha feituʻu ʻoku lahi ange ai ʻa e fiemaʻú, ʻi he ngaahi founga fē ʻe lava ke tau tokoni ai ki heʻetau fakatahaʻanga fakalotofonuá? (w16.03 23-25)