Sīpinga Tuʻuaki

Lea Kamata: Ko e kau tangata heka hoosi ʻe toko fā ʻi he meʻa fakahaá ʻa e taha ʻi he ngaahi meʻa ʻoku ʻiloʻi lelei taha ʻi he tohi Fakahaá. ʻOku ilifia ki ai ʻa e niʻihi. Pea toʻoa ai ʻa e niʻihi.

Konga Tohi Tapu: Fkh. 1:3

Tuʻuaki: Ko e ʻīsiu ko eni ʻo e Ko e Taua Leʻo ʻoku fakamatalaʻi ai ʻa e founga ʻoku malava ke hoko ai ko ha ongoongo lelei kiate kitautolu ʻa e kau tangata heka hoosi ʻe toko fā.

Fehuʻi: ʻOku totonu ke fēfē ʻetau vakai ki he meʻaʻofa ko e moʻuí?

Konga Tohi Tapu: Fkh. 4:​11

Moʻoni: Koeʻuhi ko e moʻuí ko e meʻaʻofa mei he ʻOtuá, ʻoku tau fakaʻapaʻapaʻi ia. ʻOku tau tokanga ki he tuʻunga malú, pea heʻikai ʻaupito te tau fakakaukau ke toʻo ʻa e moʻui ʻa ha taha. ʻOku tau koloaʻaki ʻa e meʻaʻofa ko e moʻuí.

Fehuʻi: Fakatokangaʻi ʻa e fehuʻi ʻi muʻa ʻi he tuleki ko ení pea pehē ki he ngaahi tali ʻoku ala maʻú. Ko e hā hoʻo fakakaukaú?

Konga Tohi Tapu: Luke 11:​28

Tuʻuaki: ʻOku fakahaaʻi ʻi he tuleki ko ení ʻa e kaunga ʻa e meʻá ni kiate koe mo ho fāmilí mo e ʻuhinga ʻe lava ke tau tui ai ki he meʻa ʻoku leaʻaki ʻe he Tohi Tapú.