KOLOA MEI HE FOLOFOLA ʻA E ʻOTUÁ | SELEMAIA 51-52
ʻOku Hoko Moʻoni ʻa e Folofola ʻa Sihová ʻi he Fakaikiiki Kotoa Pē
Naʻe tomuʻa tala tonu mātē ʻe Sihova ʻa e ngaahi meʻa ʻe hoko ʻi he kahaʻú
Tokotaha fana ngahau ʻi he kaʻate fakatuʻi Pēsiá
“Fakangingila ʻa e ngaahi ngahaú”
Ko e kau Mītiá mo e kau Pēsiá ko ha kau fana ngahau mataotao naʻa nau ngāueʻaki ʻa e kaufaná ko ʻenau meʻatau tefito. Naʻa nau fakangingila ʻenau ngaahi ngahaú ke loloto ʻene ngotó
“Ko e kau pāteʻi tau ʻo Pāpiloné kuo tuku ʻenau faitaú”
ʻOku pehē ʻe he Tohi Fakamatala ʻa Nāponitusí: “Ko e kau tau ʻa Kōlesí naʻa nau hū ki Pāpilone ʻo ʻikai fai ha tau.” ʻOku hangehangē ʻoku ʻuhinga ení naʻe ʻikai ha fepaki fakalūkufua pea ʻoku faitatau ia mo e kikite ʻa Selemaiá
Ko e Tohi Fakamatala ʻa Nāponitusí
“ʻE hoko ʻa Pāpilone ko ha ngaahi fokotuʻunga maka, [mo] maomaonganoa taʻengata”
Kamata ʻi he 539 K.M., naʻe kamata ke mōlia atu ai ʻa e lāngilangi ʻo Pāpiloné. Naʻe fakakaukau ʻa ʻĀlekisānita ko e Lahi ke ʻai ʻa Pāpilone ko hono kolomuʻa, ka naʻá ne mate mutukia. ʻI he kamata ʻo e kuonga ʻo e Kalisitiané, naʻe kei ʻi ai ha feohiʻanga ʻo e kau Siú ai, ʻo maʻu ai ʻe he ʻapositolo ko Pitá ha ʻuhinga ke ʻaʻahi ki Pāpilone. Ka ʻi he senituli hono fā T.S., naʻe fakaʻauha ai ʻa e koló, pea faai atu pē ʻo ʻikai ke toe ʻi ai