Ngaahi Lēsoni mei he Tohi ʻa Sioná

ʻI heʻene Folofolá, kuo fakatolonga mai ai ʻe Sihova ʻa e ngaahi talanoa ki he moʻui ʻa e kau tangata mo e kau fefine ʻo e tuí ke akoʻi mai ai kiate kitautolu ha ngaahi lēsoni mahuʻinga. (Loma 15:4) Ko e hā naʻá ke ako mei he tohi ʻa Sioná? Sio ʻi he vitiō Lotu Fakafāmilí: Siona—Ako mei he Meesi ʻa Sihová, pea tali ʻa e ngaahi fehuʻi ko ení:

• Ko e hā ʻa e ngaahi pole naʻe fehangahangai mo e kau malanga ʻe toko tolu ʻi he vitioó?

• ʻE lava fēfē ke fakalototoʻaʻi kitautolu ʻe he tohi ʻa Sioná kapau kuo akonakiʻi kitautolu pe mole hotau ngaahi monū ʻo e ngāué? (1 Sām. 16:7; Siona 3:1, 2)

• ʻOku lava fēfē ke tokoniʻi kitautolu ʻe he fakamatala ʻo fekauʻaki mo Sioná ke tauhi maʻu ha fakakaukau pau ki hotau feituʻu ngāué? (Siona 4:11; Māt. 5:7)

• ʻE lava fēfē ke fakafiemālieʻi kitautolu ʻe he hokosia ʻa Sioná ʻi heʻetau hokosia ha mahamahaki fuoloa? (Siona 2:1, 2, 7, 9)

• Ko e hā naʻá ke ako mei he vitiō ko ení ki he mahuʻinga ʻo e Lau Tohi Tapú mo e fakalaulaulotó?