Naʻe ʻOfa ʻa Sīsū ʻi he Kakaí

ʻI he Mātiu vahe 8 mo e 9 ʻoku fakamatala ai ki he ngāue fakafaifekau ʻa Sīsū ʻi he vahefonua ʻo Kālelí. ʻI hono fakamoʻui ʻe Sīsū ʻa e kakaí, naʻá ne fakahāhā ai hono mālohí, kae mahuʻinga angé, naʻá ne fakahāhaaʻi ai ʻa ʻene ʻofa lahi mo ʻene manavaʻofa ʻi he niʻihi kehé.

1. 

   Naʻe fakamoʻui ʻe Sīsū ha tokotaha kilia.—Māt. 8:1-3

2. Naʻe fakamoʻui ʻe Sīsū ʻa e tamaioʻeiki ʻa ha ʻōfisa fakakautau. —Māt. 8:5-13

   Naʻá ne fakamoʻui ʻa e faʻē ʻa e uaifi ʻo Pitá.—Māt. 8:14, 15

   Naʻá ne kapusi ʻa e fanga tēmeniō mo fakamoʻui ʻa e kakai naʻe faingataʻaʻiá.—Māt. 8:16, 17

3. Naʻe kapusi ʻe Sīsū ʻa e fanga tēmeniō fakamanavahē anga-kehe, ʻo ne fekauʻi kinautolu ke hū ʻi ha fanga puaka.—Māt. 8:28-32

4. Naʻe fakamoʻui ʻe Sīsū ha tangata mamatea.—Māt. 9:1-8

   Naʻá ne fakamoʻui ha fefine naʻá ne ala ange ki hono kofú, pea naʻá ne fokotuʻu hake ʻa e ʻofefine ʻo Siailosí mei he maté.—Māt. 9:18-26

   Naʻá ne fakamoʻui ʻa e kuí mo e noá.—Māt. 9:27-34

5. Naʻe fononga ʻa Sīsū ki he ngaahi kolo lalahi mo e ngaahi kolo iiki, ʻo fakamoʻui ʻa e ngaahi mahaki kotoa pē mo e faingataʻaʻia kotoa pē.—Māt. 9:35, 36

ʻE lava fēfē ke u fakahāhā ha ʻofa mo ha manavaʻofa lahi ange ki he faʻahinga takatakai ʻiate aú?