KOLOA MEI HE FOLOFOLA ʻA E ʻOTUÁ | LUKE 8-9
Haʻu ʻo Muimui ʻIate Au—Ko e Hā ʻOku Fiemaʻú?
Ke hangatonu ʻa e ngaahi ʻotu ʻoku palaú, heʻikai fakaleluʻi ʻa e tangata palaú ʻe he meʻa ʻi mui ʻiate iá. ʻI he tuʻunga meimei tatau, heʻikai fakaʻatā ʻe ha Kalisitiane ke fakaleluʻi ia ʻe he ngaahi meʻa kuó ne siʻaki atu ʻi he māmaní.—Fil. 3:13.
ʻI heʻetau hokosia ha ngaahi faingataʻa, ʻoku faingofua ke tau fakaʻamu ki he ‘ngaahi ʻaho lelei ʻi he kuohilí,’ ʻa e ngaahi ʻaho nai ki muʻa pea tau haʻu ki he moʻoní. ʻI he fai peheé, ʻoku tau faʻa fakalahiʻi ai ʻa e ngaahi fiefia ʻo e kuohilí pea fakasiʻisiʻi ʻa e ngaahi palopalemá. Ko e meʻa ia naʻe fai ʻe he kau ʻIsilelí hili ʻenau mavahe mei ʻIsipité. (Nōm. 11:5, 6) Kapau te tau nōfoʻi ʻi he ngaahi fakakaukau peheé, ʻe lava ke fakataueleʻi ai kitautolu ke tau foki ki heʻetau founga moʻui ki muʻá. He lelei ange ē ke fakakaukau ki hotau ngaahi tāpuaki he lolotonga ní pea tokangataha ki he ngaahi fiefia ʻo e kahaʻú ʻi he malumalu ʻo e Puleʻangá!—2 Kol. 4:16-18.