‘Meʻaʻofa Maʻa Sihova’

ʻE lava fēfē ke tau ‘laka mai mo ha meʻaʻofa he ʻahó ni maʻa Sihova?’ (1 Kal. 29:5, 9, 14) ʻI laló ʻoku hā ai ha ngaahi founga kehekehe ʻa ia ʻe lava ke tau fili mei ai ke fai ʻa e tokoni loto-fiefoaki ke poupouʻi ʻa e ngāue ʻa e Kau Fakamoʻoni ʻa Sihová, fakatouʻosi ʻi he fakalotofonuá pea ʻi māmani lahi.

ʻOKU POUPOUʻI ʻE HE NGAAHI TOKONI FAKAFOU ʻI HE ʻINITANETÍ PE ʻI HE NGAAHI PUHA MEʻAʻOFÁ ʻA E:

• 

  NGĀUE ʻI MĀMANI LAHÍ

  ngāue langá mo hono fakalele ʻa e ngaahi vaʻá mo e ngaahi ʻōfisi liliu-lea tuʻu mavahé

  ngaahi ako fakateokalatí

  kau sevāniti ngāue taimi-kakató

  tokoni ki he fakatamakí

  pulusí, ngaahi vitioó, mo e fōmeti fakaʻilekitulōnika ʻo e ʻū tohí

• 

  NGAAHI FAKAMOLE ʻA E FAKATAHAʻANGA FAKALOTOFONUÁ

  ngaahi fakamole ʻa e fakatahaʻangá, hangē ko e ngaahi nāunaú mo hono tauhi tuʻumaʻu ʻo e Fale Fakatahaʻangá

  ko ha faʻahinga fakapapau pē kuo fai ʻe he fakatahaʻangá ke ʻoatu ʻa e tokoní ki he ʻōfisi vaʻá ki he:

  • langa ʻo e Fale Fakatahaʻangá mo e Holo ʻAsemipilií ʻi māmani lahi

  • Fokotuʻutuʻu Tokoni Fakavahaʻapuleʻanga

  • ngaahi ngāue kehe ʻi māmani lahí

NGAAHI FAKATAHA-LAHÍ MO E ʻASEMIPILIÍ

Ko e ngaahi tokoni naʻe fai ʻi hoʻomou fakataha-lahi fakavahé ʻoku ʻave ia ki he ngāue ʻi māmani lahí. Ko e ngaahi fakamole leva ʻoku fekauʻaki mo e ngaahi fakataha-lahi fakavahefonuá, makehé, mo e fakavahaʻapuleʻangá ʻoku totongi ia mei he ngāue ʻi māmani lahí.

Ko e ngaahi tokoni ʻoku fai ki he sēketí ʻa ia ʻoku ngāueʻaki ki hono totongi, fakalele, pea ke tauhi ʻa e faiʻanga ʻasemipilií pea pehē ki he fakamole ʻoku fekauʻaki mo e sēketí. ʻE fakapapau nai ʻa e sēketí ke ʻoatu ʻenau paʻanga hulú ki he ngāue ʻi māmani lahi ʻa e Kau Fakamoʻoni ʻa Sihová.