ʻE Fēfē Nai ʻa e Vakai ʻa Sihová?

Ki muʻa ke fai ha ngaahi fili ʻoku lahi pe siʻisiʻi, ʻoku tau ʻeke hifo kiate kitautolu, ‘ʻE fēfē nai ʻa e vakai ʻa Sihová?’ Neongo heʻikai ʻaupito ke tau ʻiloʻi ʻa e meʻa kotoa fekauʻaki mo e fakakaukau ʻa Sihová, ʻokú ne ʻomai e fakamatala feʻunga ʻi heʻene Folofolá ke teuʻi ai kitautolu ki he “ngāue lelei kotoa pē.” (2 Tīm. 3:16, 17; Loma 11:33, 34) ʻOku ʻiloʻi lelei ʻe Sīsū ʻa e finangalo ʻo Sihová pea ʻai ia ko e meʻa muʻomuʻa taha ʻi heʻene moʻuí. (Sione 4:34) ʻI he faʻifaʻitaki kia Sīsuú, ʻofa ke tau fai hotau lelei tahá ʻi hono fai ʻa e ngaahi fili ʻoku fakahōifua kia Sihová.—Sione 8:28, 29; ʻEf. 5:15-17.

SIO ʻI HE VITIŌ HOKOHOKO ATU KE ʻILOʻI ʻA E FINANGALO ʻO SIHOVÁ (LIV. 19:18), PEA TALI LEVA ʻA E NGAAHI FEHUʻI KO ENÍ:

• Ko e hā kuo pau ai ke tau ngāueʻaki ʻa e ngaahi tefitoʻi moʻoni Fakatohitapú ʻi heʻetau moʻuí?

• Ko e hā ʻa e tefitoʻi moʻoni Fakatohitapu ʻoku totonu ke ne tākiekina ʻetau fili ʻa e ngaahi fasí?

• Ko e hā ʻa e tefitoʻi moʻoni Fakatohitapu ʻoku totonu ke ne tākiekina ʻetau fili ʻa e valá mo e teuteú?

• Ko e hā ʻa e toe tafaʻaki ʻo e moʻuí kuo pau ke tau ngāueʻaki ai ʻa e tefitoʻi moʻoni Fakatohitapú?

• ʻE lava fēfē ke fakaleleiʻi ʻetau malava ke ʻiloʻi ʻa e finangalo ʻo Sihová?