“Fakanofo ha Kau Mātuʻa”

Tai. 1:5-9

Naʻe fekauʻi ʻa Taitusi ke ne “fakanofo ha kau mātuʻa ʻi he kolo ki he kolo.” Ko e faʻifaʻitakiʻanga Fakatohitapu ko ení ʻoku kei muimui ki ai ʻi he ʻahó ni ʻa e kau ʻovasia sēketí ʻi he taimi ʻoku fakanofo ai ha kau mātuʻa ʻi he fakatahaʻangá.

KULUPU PULE

ʻI he muimui ki he founga ʻo e ʻuluaki senitulí, ʻoku fakafatongiaʻaki ʻe he Kulupu Pulé ʻa e kau ʻovasia sēketí ʻa e fatongia mafatukituki ke fakanofo ʻa e kau mātuʻá mo e kau sevānití.

ʻOVASIA SĒKETI

ʻOku fiemaʻu ki he ʻovasia sēketi taki taha ke nau fakakaukau fakalelei pea mo faʻa lotu ʻo fekauʻaki mo e fakaongoongolelei kuo fai ʻe he kau mātuʻá pea fakanofo leva ʻa e kau tangata ʻoku tāú.

KAU MĀTUʻA KUO FAKANOFÓ

Naʻa mo e hili hono fakanofo ʻa e kau mātuʻá, kuo pau ke nau hokohoko atu ʻenau aʻusia ʻa e ngaahi tuʻunga taau Fakatohitapú.