“Hokohoko Atu ʻa e Tokanga ki he Ngaahi Meʻá Ni”

Ko e hā ʻa e ngaahi meʻá? ʻI he Filipai 4:8 ʻoku pehē ai ke tokanga ki he ngaahi meʻa ʻoku moʻoní, mafatukitukí, māʻoniʻoní, maʻá, ʻofeiná, lauʻi leleí, leleí pea mo taau ke fakahīkihikiʻí. Ko e moʻoni, ʻoku ʻikai ʻuhinga ia ʻoku fiemaʻu ki he Kalisitiané ke fakakaukau fekauʻaki mo e Tohi Tapú ʻi he taimi kotoa pē. Kae kehe, ko e meʻa ʻoku tau fili ke fakakaukau ki aí ʻoku totonu ke fakahōifua ia kia Sihova. ʻOku ʻikai totonu ke tau fakavaivaiʻi ʻetau fakapapau ke hoko ʻo faitōnunga kiate iá.—Saame 19:14.

ʻOku faingataʻa ʻa e feinga ke fakaʻehiʻehi mei he ngaahi fakakaukau koví. Kuo pau ke tau fāinga ʻo ʻikai mo hotau kakano taʻehaohaoá pē kae toe pehē foki kia Sētane, ko e “ʻotua ʻo e fokotuʻutuʻu ko ení.” (2 Kol. 4:4) Koeʻuhí ʻokú ne puleʻi ʻa e mītiá, ko e ngaahi meʻa ʻi he televīsoné, ko e letioó, ʻInitanetí, mo e ngaahi nusipepá ʻoku ololalo. Kapau ʻe ʻikai ke tau fili fakalelei ʻa e meʻa ʻoku fakafonuʻaki hotau ʻatamaí, ko ʻetau fakakaukaú ʻe hoko ʻo fakameleʻi, pea faai atu pē ʻe uesia ai ʻetau tōʻongá.—Sēm. 1:14, 15.

SIO ʻI HE VITIŌ FAKAʻEHIʻEHI MEI HE MEʻA ʻOKÚ NE KEINA MĀMĀLIE ʻA E MATEAKÍ—FAKAFIEFIA ʻIKAI LELEI, PEA TALI LEVA ʻA E ONGO FEHUʻI KO ENÍ:

• 

  Ko e hā ʻa e meʻa ʻoku sio ai ʻa e tokouá ʻi heʻene telefoní, pea ʻoku uesia fēfē ia?

• 

  Naʻe anga-fēfē hono tokoniʻi ia ʻe he Kalētia 6:7, 8 mo e Saame 119:37?