ʻOku ʻOfa ʻa Sihova ʻi he Kakai ʻOku Maʻá

“Fanofano. Fakamaau ho lokí. Tafi ʻa e falikí. ʻAve ki tuʻa ʻa e vevé.” ʻOku akoʻi ʻe he mātuʻa tokolahi ʻenau fānaú ke nau ngāue fakamaʻa. Kae kehe, ko e tefitoʻi moʻoni ʻo e maʻá ko e tupu ia mei hotau ʻOtua māʻoniʻoní. (ʻEki. 30:18-20; Teu. 23:14; 2 Kol. 7:1) ʻI heʻetau tauhi hotau sinó mo ʻetau ʻū meʻá ke maʻá, ʻoku tau fakalāngilangiʻi ai ʻa Sihova. (1 Pita 1:14-16) Fēfē hotau ʻapí mo e ngaahi meʻa ʻi aí? ʻI heʻene kehe mei he kakai ʻoku nau laku veve ʻi he halá mo e ʻi he paʻaké, ʻoku feinga ʻa e kau Kalisitiané ke tauhi ʻa honau ʻapi ko e foʻi māmaní ke maʻa. (Saame 115:16; Fkh. 11:18) Naʻa mo e ngaahi meʻa īkí, hangē ko hono laku ha laʻi pepa lole, ngeʻesi kapa inu, pe ko ha pulukamu, ʻe fakahaaʻi atu ai ʻa e anga ʻetau vakai ki he maʻá. ʻI he tafaʻaki kotoa ʻo e moʻuí, ʻoku mau loto ke ‘fakaongoongoleleiʻi atu kimoutolu ʻi he tuʻunga ko e kau faifekau ʻa e ʻOtuá.’—2 Kol. 6:3, 4.

SIO ʻI HE VITIŌ ʻOFA ʻA E ʻOTUÁ ʻI HE KAKAI ʻOKU MAʻÁ, PEA TALI LEVA ʻA E NGAAHI FEHUʻI KO ʻENÍ:

• Ko e hā ha kalofanga ʻe fai nai ʻe ha niʻihi ʻi he ʻikai tauhi ke maʻa ʻenau ʻū meʻá?

• Naʻe anga-fēfē hono fakahaaʻi ʻe he Lao ʻa Mōsesé ʻa e vakai ʻa Sihova ki he maʻá?

• ʻE lava fēfē ke tau ʻoatu ʻa e fakalāngilangí kia Sihova ʻo ʻikai leaʻaki ha meʻa?