Ko e Hā Hono Lahi Hoʻo Koloaʻaki ʻa e Folofola ʻa e ʻOtuá?

ʻOku ʻi he Tohi Tapú ʻa e ngaahi fakakaukau mo e lea ʻa Sihova ko e ʻOtuá, ʻa e Faʻutohi ʻo e tohi toputapu ko ení. (2 Pita 1:20, 21) Ko hono fakamamafaʻi ʻo hono fakatonuhiaʻi ʻa e tuʻunga-hau ʻo e ʻOtuá fakafou ʻi hono Puleʻangá, ʻoku ʻomai ʻe he Tohi Tapú ha ʻamanaki ki he faʻahinga ʻo e tangatá ʻa ia ko e taimi ʻe toe lelei ange ai ʻa e moʻuí. ʻOku toe fakahaaʻi ʻe he Tohi Tapú ʻa e ʻulungaanga anga-ʻofa ʻa ʻetau Tamai fakahēvaní, ʻa Sihova.—Saame 86:15.

Ko kitautolu kotoa ʻoku tau fakamahuʻingaʻi ʻa e Folofola ʻa e ʻOtuá ʻi he ʻuhinga kehekehe. Ka ʻoku tau fakahaaʻi ʻoku tau koloaʻaki ʻa e meʻaʻofa maʻongoʻonga ko ení ʻaki hono lau ia ʻi he ʻaho kotoa pea ngāueʻaki ia ʻi heʻetau moʻuí? ʻOfa ke fakahaaʻi atu ʻe heʻetau tōʻongá ʻetau maʻu e fakakaukau tatau mo e tokotaha-tohi-sāmé: “He ʻofa moʻoni ē ko au ki hoʻo laó!”—Saame 119:97.

SIO ʻI HE VITIŌ KONGA MEI HE—NAʻA NAU FAKAMAHUʻINGAʻI ʻA E TOHI TAPÚ (VILIAMI TINITALE), PEA TALI LEVA ʻA E NGAAHI FEHUʻI KO ENÍ:

• 

  Ko e hā naʻe liliu ai ʻe Viliami Tinitale ha konga ʻo e Tohi Tapú?

• Ko e hā naʻe fakaofo ai ʻa ʻene ngaahi feinga ke liliu ʻa e Tohi Tapú?

• Naʻe anga-fēfē hono feʻaveʻaki fakafufū ʻa e ngaahi tatau ʻo e liliu Tohi Tapu ʻa Tinitalé ki ʻIngilaní?

• ʻE lava fēfē ke tau fakahaaʻi ʻoku tau koloaʻaki ʻa e Folofola ʻa e ʻOtuá?