KOLOA MEI HE FOLOFOLA ʻA E ʻOTUÁ | ʻEKISOTO 10-11

Fakahāhā ʻe Mōsese mo ʻĒlone ʻa e Loto-Toʻa Lahi

10:3-6, 24-26, 28; 11:4-8

Naʻe fakahāhā ʻe Mōsese mo ʻĒlone ʻa e loto-toʻa lahi ʻi heʻena lea kia Feló, ʻa e tangata mālohi taha ʻi he māmaní ʻi he taimi ko iá. Ko e hā naʻá ne tokoniʻi kinauá? ʻI he fekauʻaki mo Mōsesé ʻoku pehē ʻe he Tohi Tapú: “ʻI he tuí naʻá ne mavahe ai mei ʻIsipite, ka naʻe ʻikai ke ne ilifia ki he houhau ʻa e tuʻí, he naʻá ne hanganaki tuʻu maʻu ʻi heʻene sio atu ko ia ki he Tokotaha ʻa ia ʻoku taʻehāmaí.” (Hep. 11:27) Naʻe maʻu ʻe Mōsese mo ʻĒlone ʻa e tui mālohi kia Sihova pea falala kiate ia.

Ko e hā ʻa e tuʻunga ʻe fiemaʻu ki ai ʻa e loto-toʻá ke fakahāhā hoʻo tuí ki ha taha ʻoku maʻu mafai?

Fakatātā: Ngaahi tuʻunga ʻe fiemaʻu ki ai ʻa e loto-toʻá. 1. Tuʻu fakalongolongo ha tamasiʻi kae fakaʻapaʻapa ʻa e niʻihi kehé ki he fuká. 2. Tuʻu ha tokoua ʻi he ʻao ʻo e fakamāú. 3. Ko ha talavou ʻokú ne tuʻuaki ha tuleki ki ha tokotaha-ʻapi ʻi he sio mai ha polisi.