Ko e Pāsová​—Ko ʻEne ʻUhinga ki he Kalisitiané

12:5-7, 12, 13, 24-27

Ke hoko ʻa e kau ʻIsilelí ʻo hao mei he fakatuʻutāmaki ʻo e mala hono hongofulú, naʻe pau ke nau talangofua ki he ngaahi fakahinohinó. (ʻEki. 12:28) ʻI he pō Nīsani 14, naʻe fiemaʻu ki he ngaahi fāmilí ke nau fakatahataha ʻi honau ʻapí tonu. Naʻe fiemaʻu ke nau tāmateʻi ha sipi pe kosi tangata taʻemele ʻoku taʻu taha. Ko hono totó naʻe afuhi ʻaki ia ʻa e kaumatapaá mo e tafaʻaki ki ʻolunga ʻo e matapaá. Naʻe pau leva ke tunu ʻa e monumanú kakato pea kai fakavave ia. Heʻikai lava ha taha ke mavahe mei he falé kae ʻoua ke aʻu ki he pongipongí.​—ʻEki. 12:9-11, 22.

Ko e hā ha ngaahi tafaʻaki pau ʻe hoko ai ʻa e talangofuá ʻo maluʻi kitautolu he ʻahó ni?