Ko e Meʻa Mahuʻinga Taha ʻi he Tāpanekalé

25:9, 21, 22

Ko e ʻAʻaké ʻa e meʻa mahuʻinga taha ʻo e tāpanekalé mo e feituʻu naʻe ʻi ai ʻa e kau ʻIsilelí. Naʻe fakafofongaʻi ʻe he konga ʻaó ʻa e ʻi ai ʻa e ʻOtuá, ʻa ia naʻe ʻi he vahaʻa ʻo e ongo selupimí ʻi he funga tāpuni ʻo e fakatupuhōifuaʻanga ʻo e ʻAʻaké. ʻI he taʻu kotoa pē ʻo e ʻAho ʻo e ʻUfiʻufi Angahalá naʻe hū ai ʻa e taulaʻeiki lahí ki he Potu Fungani Toputapú pea afuhi ʻa e toto ʻo ha pulu mo ha kosi ʻi muʻa ʻi he tāpuní ke ʻufiʻufi ʻa e ngaahi angahala ʻo e kau ʻIsilelí. (Liv. 16:14, 15) Naʻe fakatātāʻi eni ʻa e hū ʻa Sīsū ko e Taulaʻeiki Lahi angé ki he ʻao tonu ʻo Sihová ʻi hēvani ke ʻoatu ʻa e mahuʻinga ʻo ʻene feilaulau huhuʻí.​—Hep. 9:24-26.

Fakahoa ʻa e ngaahi konga Tohi Tapú mo e ngaahi ʻaonga te tau maʻu koeʻuhi ko e huhuʻí:

KONGA TOHI TAPU

• 1 Sione 1:8, 9

• Hep. 9:13, 14

• Loma 6:23

ʻAONGA

• ʻamanaki ʻo e moʻui taʻengatá

• fakamolemoleʻi ʻo e ngaahi angahalá

• konisēnisi maʻa

Ko e hā kuo pau ke tau faí ke maʻu ʻa e ngaahi ʻaonga ko ení?