Feingangāue Makehe ʻi Nōvema ke Fanongonongo ʻa e Puleʻanga ʻo e ʻOtuá

Naʻe talaki ʻe Sīsū “ʻa e ongoongo lelei ʻo e Puleʻanga ʻo e ʻOtuá.” (Luke 4:43) Naʻá ne akoʻi foki ʻa e kakaí ke nau lotu ke hoko mai ʻa e Puleʻanga ko iá. (Māt. 6:9, 10) ʻI Nōvema te tau fai ha feingangāue makehe ke fanongonongo ʻa e Puleʻanga ʻo e ʻOtuá. (Māt. 24:14) Fokotuʻutuʻu hoʻo taimí ke kau kakato ʻi he feingangāue ko ení. Ko e faʻahinga kotoa ʻe tāimuʻa tokoní ʻe lava ke nau fili ke ngāue houa ʻe 30 pe 50 ʻi he māhina ko ení.

Vahevahe ha konga Tohi Tapu fekauʻaki mo e Puleʻanga ʻo e ʻOtuá ki he lahi taha ʻo e kakai ʻi hoʻo feituʻu ngāué. ʻI ho fili ha konga Tohi Tapu, fakakaukau ki he puipuituʻa fakalotu ʻa e tokotaha ʻokú ke malanga ki aí. Kapau ʻe fakahāhā ha taha ʻa e mahuʻingaʻia ʻi he ʻuluaki ʻaʻahí ʻoange kiate ia ha tatau ʻo e Taua Leʻo Fika 2, 2020. Feinga ke toe talanoa ki he tokotaha mahuʻingaʻiá ʻi he vave tahá pea feinga ke kamata ha ako Tohi Tapu ʻo ngāueʻaki ha tohi mei heʻetau Puha Meʻangāue Fakafaiakó. ʻOku toe siʻi pē ʻa e taimi ʻoku toé ki muʻa ke laiki ʻe he Puleʻanga ʻo e ʻOtuá ʻa e ngaahi founga pule kotoa pē ʻoku fakafepaki kiate iá. (Tan. 2:44; 1 Kol. 15:24, 25) Ko ia ai, ʻofa ke tau ngāueleleiʻaki ʻa e faingamālie makehe ko ení ke fakahaaʻi ʻetau poupou kia Sihova mo hono Puleʻangá!