ʻOange kia Sihova Hoʻo Lelei Tahá

5:5-7, 11

ʻI ʻIsileli, naʻe ʻikai taʻofi ʻe he masivá ha taha mei he malava ke fakamelino mo Sihová. Naʻa mo e kau ʻIsileli naʻe masiva ʻangoʻango tahá naʻe lava ke nau foaki kia Sihova ha feilaulau naʻe fakahōifua, kehe pē ko honau lelei tahá ia. Naʻe lava ke nau foaki ʻa e mahoaʻa ka naʻe kei ʻamanekina ʻe Sihova ko ha mahoaʻa “lelei” ʻa ia ko e kalasi ia naʻe ngāueʻaki ki ha tokotaha fakaafe makehe. (Sēn. 18:6) ʻI he ʻahó ni ʻoku kei ʻamanekina mai ʻe Sihova ke tau ʻoange ʻetau lelei tahá. Neongo ʻoku siʻisiʻi ʻaupito ʻa e meʻa ʻoku tau foaki kia Sihová kapau ko ʻetau “feilaulau” lelei tahá ia, ʻe tali ia ʻe Sihova.​—Hep. 13:15.

ʻE lava fēfē ke fakalototoʻaʻi eni koe kapau ʻoku ʻikai lava ke ke fai ʻa e meʻa naʻá ke faʻa fai ki muʻá mahalo koeʻuhi ko ho tuʻunga moʻui leleí pe ʻoku holo ho iví?