KOLOA MEI HE FOLOFOLA ʻA E ʻOTUÁ

Fokotuʻutuʻu Maau ʻe Sihova ʻEne Kakaí

Naʻe ʻapitanga ʻa e kau ʻIsilelí ʻo fakatatau ki hono vāhenga matakali ʻe tolú (Nōm. 1:52, 53; w95 4/1 11 ¶4)

Ko e tokolahi ʻo e kau ʻIsilelí ʻi he ʻapitangá naʻe fakafuofua ki he toko 3,000,000 nai pe lahi ange (Nōm. 2:32, 33; it-1 397 ¶4)

ʻOku loto ʻa Sihova ke lotu ʻene kakaí kiate ia ʻi ha founga fokotuʻutuʻu maau. Naʻe fiemaʻu ia ki he puleʻanga ʻo ʻIsilelí pea pehē foki mo kitautolu ʻi he ʻahó ni.—1 Kol. 14:33, 40.

Ko ha vakai hifo ki he ʻapitanga ʻo ʻIsilelí. ʻOku ʻi loto-mālie ʻa e tāpanekalé. Ko e ngaahi fāmili ʻo e matakali Līvaí ʻoku nau nofo ʻo ofi taha ki he tāpanekalé: Ko ʻĒlone ʻi he hahaké, ko e Haʻa Kōhaté ʻi he tongá, ko e Haʻa Kēsoní ʻi he hihifó mo e Haʻa Mēlalí ʻi he tokelaú. ʻOku nofo mamaʻo atu ʻa e ngaahi matakali ʻe 12 ʻo ʻIsilelí. Ko ʻĪsaka, Siuta mo Sepuloni ʻi he hahaké. Ko Kata, Lūpeni mo Simione ʻi he tongá. Ko Penisimani, ʻIfalemi mo Manase ʻi he hihifó. Ko Nafitalai, Tani mo ʻĀseli ʻi he tokelaú.

ʻEKE HIFO, ‘ʻE lava fēfē ke u fakahaaʻi ʻeku poupou kakato ki he kautaha ʻa Sihová?’