Fakafeangai ki he Kau Fefiné ʻo Hangē ko ha Faʻē mo ha Tuofefine

ʻOku tala mai ʻe he Tohi Tapú ke tau fakafeangai ki he kau Kalisitiane taʻumotuʻa angé ʻo hangē ia ko ʻetau ngaahi faʻē mo e ngaahi tamai pea ki he faʻahinga taʻu iiki angé ʻo hangē ia ko hotau tuongaʻane pe tuofefine. (Lau ʻa e 1 Tīmote 5:1, 2.) ʻOku tautefito ki he fanga tokouá ʻa e fiemaʻu ke nau fakafeangai ki he fanga tuofāfiné ʻaki ʻa e ngeia mo e fakaʻapaʻapa.

ʻOku taʻetotonu ki ha tokoua ke ne fakamalinga pe fai ha meʻa pē te ne ʻai ha tuofefine ke ne ongoʻi taʻefiemālie pe taʻetokaʻi ia. (Siope 31:1) Ko ha tokoua taʻemali, heʻikai ke ne vaʻinga ʻaki ʻa e ongo ʻo ha tuofefine taʻemali ʻi hono ʻai ia ke lōloa ʻene mahaló.

ʻOku totonu ki he kau mātuʻá ke nau fanongo lelei ki he fanga tuofāfine ʻoku nau ʻeke anga-fakaʻapaʻapa ha fehuʻi pe ʻohake ha meʻa ʻoku fiemaʻu ha tokanga makehe ki ai. ʻOku toe ʻi ai ha fiemaʻu makehe ki he kau mātuʻá ke nau tokangaekina ʻa e faʻahinga ʻoku ʻikai haʻanau husepāniti ke maluʻi kinautolu.​—Lute 2:8, 9.

SIO ʻI HE VITIŌ FAKAHĀHĀ ʻA E ʻOFA HEʻIKAI KAʻANGÁ ʻI HE FAKATAHAʻANGÁ​—KI HE KAU UITOÚ MO E TAMAI-MATÉ, PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē hono fakahāhā ʻe he fakatahaʻangá ʻa e ʻofa lahi kia Tuofefine Myint?

• 

  Naʻe anga-fēfē ʻa e hoko ko ha fakamoʻoni lelei ki he kiʻi koló ʻa e ʻofa naʻe fakahāhā ʻe he fakatahaʻangá?

• 

  Naʻe anga-fēfē maongo ki he ongo ʻofefine ʻo Tuofefine Myint ʻa e ʻofa naʻe fakahāhā ʻe he fanga tokouá?

Ko e hā ʻa e ngaahi meʻa ʻe lava ke ke fai ke fakahāhā ai ʻa e tokanga anga-ʻofa ki he fanga tuofāfine ʻi ho fakatahaʻangá?