KOLOA MEI HE FOLOFOLA ʻA E ʻOTUÁ

Muimui kia Sihova ʻAki Ho Lotó Kotoa

Naʻe muimui ʻa Kēlepi kia Sihova ʻaki hono lotó kotoa ʻi heʻene tupu haké (Sios. 14:7, 8)

Naʻe falala ʻa Kēlepi kia Sihova te ne tokoniʻi ia ke fakahoko ha ngāue faingataʻa (Sios. 14:10-12; w04 12/1 12 ¶2)

Naʻe fakapaleʻi ʻa Kēlepi ʻi heʻene ngāue ʻaufuatō kia Sihová (Sios. 14:13, 14; w06 10/1 18 ¶11)

Fakatātā: Fāinga ha tuofefine faitōnunga mo e taʻumotuʻá. 1. ʻOkú ne puke ha tokotoko lolotonga ʻene tangutu ʻo lotu. 2. ʻOkú ne faifakamoʻoni ʻi he feituʻu kakaí mo ha tuofefine kei siʻi. 3. ʻOkú ne fakahā ha ngaahi tā ki he kau leka ʻi heʻene fakatahaʻangá. 4. ʻOkú ne malimali ʻi he fiefia.

Naʻe fakaivimālohiʻi ʻa e tui ʻa Kēlepí ʻi heʻene muimui ki he fakahinohino ʻa Sihová pea mo ʻene sio tonu ki hono tāpuakiʻi ia. ʻI he tuʻunga meimei tatau, ʻi he taimi ʻoku tali ai ʻetau ngaahi lotú pea sio tonu ki heʻene tatakí, ʻoku tau maʻu ai ʻa e mālohi ke hokohoko atu ʻi he tauhi kia Sihová.—1 Sio. 5:14, 15.