mwb22 Siulai p. 6
Falala kia Sihova ki ha Tokoni

Ko ʻEtau Moʻui Faka-Kalisitiané mo e Ngāue Fakafaifekaú—Polokalama Ngāue ki he Fakatahá—2022

mwb22 Siulai p. 6

KOLOA MEI HE FOLOFOLA ʻA E ʻOTUÁ

Falala kia Sihova ki ha Tokoni

ʻOku fanongo mai ʻa Sihova ki heʻetau ngaahi tangi ki ha tokoní (2 Sām. 22:7)

ʻOku mālohi ange ʻa Sihova ʻi hotau filí (2 Sām. 22:14-18; cl 19 ¶11)

ʻOku ngāue mateaki ʻa Sihova ke tokoniʻi kitautolu (2 Sām. 22:26; w13 6/15 17 ¶3-4)

Fakatātā: 1. Ko ha kiʻi tuofefine ʻokú ne tangutu ʻo sio ki lalo lolotonga ia hono kaikailaʻi heʻene faʻeé mo hae ʻene ʻū tohí. 2. Ko e tuofefine tatau pē ʻokú ne lau ʻa e Tohi Tapú. 3. ʻOkú ne fetalanoaʻaki mo e fanga tokoua mo e fanga tuofāfine ʻi he Fale Fakatahaʻangá.

ʻOku malava ʻe Sihova ke fakangata hotau ngaahi ʻahiʻahí. Kae kehe, ʻi he ngaahi tuʻunga lahi ʻokú ne tokoniʻi kitautolu fakafou ʻi hono laumālie māʻoniʻoní, ko ʻene Folofolá pea mo ʻetau fetokouaʻaki faka-Kalisitiané ke fekuki mo e ngaahi ʻahiʻahí. (Saame 55:22) Ko e hā ʻe lava ke tau fai ke maʻu ai ʻa e tokoni ʻa e ʻOtuá?