KOLOA MEI HE FOLOFOLA ʻA E ʻOTUÁ

Fili Fakapotopoto Ho Hoa Malí

Naʻe taʻefakapotopoto ʻa Solomone ʻo ne mali mo e kau fefine naʻa nau lotu ki he ngaahi ʻotua loí (1 Tuʻi 11:1, 2; w18.07 18 ¶7)

Naʻe faai atu pē ʻo ofeʻi ʻe he ngaahi uaifi ʻo Solomoné hono lotó meia Sihova (1 Tuʻi 11:3-6; w19.01 15 ¶6)

Naʻe hoko ʻa Sihova ʻo houhau kia Solomone (1 Tuʻi 11:9, 10; w18.07 19 ¶9)

Fakatātā: Ko ha tuofefine teʻeki mali ʻoku fai ʻene ako Tohi Tapu fakafoʻituitui pea fakakaukau ki ha tokoua teʻeki mali. 1. Tali ʻa e tokouá ʻi he fakataha ʻa e fakatahaʻangá. 2. Kau ʻi he faifakamoʻoni ʻi he feituʻu kakaí. 3. Tokoni ki hono tokangaʻi ʻa e Fale Fakatahaʻangá.

ʻOku ekinaki ʻa e Folofola ʻa e ʻOtuá ki he kau Kalisitiane teʻeki malí ke nau mali “ʻi he ʻEikí pē.” (1 Kol. 7:39) Kae kehe, ʻoku ʻikai ʻuhinga ʻa e papitaiso ha tokotaha ʻokú ne taau ai ke hoko ko e hoa mali lelei. Te ne tokoniʻi koe ke ke hanganaki tauhi kia Sihova ʻaki ho kotoá? Kuó ne fakahaaʻi ʻa e ʻofa loloto kia Sihova ʻi he faai mai ʻa e taimí? Ki muʻa ke felotoi ki he malí, vaheʻi ha taimi ke ke hoko ʻo ʻiloʻi lelei ai ho hoa mali ki he kahaʻú.