MOʻUI KO HA KALISITIANE
Ngaahi Mātuʻa—Akoʻi Hoʻomou Fānaú ki he Founga ke Fakafiefiaʻi Ai ʻa e ʻOtuá
ʻOku vakai mai ʻa Sihova ki he fānaú ʻoku nau mahuʻinga ʻaupito. ʻOkú ne fakatokangaʻi ʻenau fakalakalaka fakalaumālié mo ʻenau kātakí. (1 Sām. 2:26; Luke 2:52) Neongo kapau ʻoku kei siʻi ʻaupito ʻa e fānaú, ʻe lava ke nau fakafiefiaʻi ʻa e loto ʻo Sihová ʻaki honau ʻulungaanga leleí. (Pal. 27:11) Kuo tokonaki mai ʻe Sihova fakafou ʻi heʻene kautahá ʻa e ngaahi meʻangāue lelei ʻaupito ke tokoni ki he ngaahi mātuʻá ke akoʻi ʻaki ʻenau fānaú ke ʻofa mo talangofua kia Sihova.
SIO ʻI HE VITIŌ “FĀNAU—KO HOʻOMOU KĀTAKÍ ʻOKU ʻAI AI ʻA SIHOVA KE FIEFIA!” PEA TALI LEVA ʻA E NGAAHI FEHUʻI KO ENÍ:
Ko e hā ʻa e tokoni mo e tataki kuo tokonaki mai ʻe Sihova ki he fānaú ʻi he faai mai ʻa e ngaahi taʻú?
Ko e hā ʻa e ngaahi meʻangāue ʻoku ala maʻu ʻi he lolotongá ni ke tokoni ki he ngaahi mātuʻá?
Kapau ko ha toʻutupu koe, ko e hā ʻa e tokonaki ʻa Sihova kuó ke maʻu ʻaonga mei aí pea ko e hā hono ʻuhingá?