ʻOku Fanongo Mai ʻa e ʻOtuá ki Hoʻo Lotú?

KO E HĀ ʻOKU LEAʻAKI ʻE HE TOHI TAPÚ?

• ʻOku fanongo mai ʻa e ʻOtuá. ʻOku fakapapauʻi mai ʻi he Tohi Tapú “ʻOku ofi ʻa Sihova ki he faʻahinga kotoa ʻoku ui kiate iá, ki he faʻahinga kotoa ʻoku ui kiate ia ʻi he moʻoní. . . . ʻOkú ne fanongo ki heʻenau tangi ki ha tokoní.”​—Saame 145:18, 19.

• ʻOku finangalo ʻa e ʻOtuá ke ke lotu kiate ia. ʻOku fakaafeʻi kitautolu ʻe he Tohi Tapú: “ʻI he meʻa kotoa pē mou ʻai ke ʻilo hoʻomou ngaahi kolé ʻe he ʻOtuá, fakafou ʻi he lotu mo e hū tōtōaki fakataha mo e fakafetaʻi.”​—Filipai 4:6.

• ʻOku tokanga moʻoni ʻa e ʻOtuá kiate koe. ʻOku ʻafioʻi lelei ʻe he ʻOtuá ʻetau ngaahi hohaʻá mo e loto-moʻuá, pea ʻokú ne loto ke tokoniʻi kitautolu. “Lī atu ʻa e kotoa hoʻomou loto-moʻuá kiate ia,” ko e lau ia ʻa e Tohi Tapú, “koeʻuhí he ʻokú ne tokanga mai kiate kimoutolu.”​—1 Pita 5:7.